Pune News : पुण्यातील गणेश विसर्जन मिरवणूक तब्बल ३३ तास २७ मिनिटांनंतर संपन्न

Pune News : पुणे: पुण्यातील गणेश विसर्जन मिरवणूक यंदा तब्बल ३३ तास २७ मिनिटे चालली. "गणपती बाप्पा मोरया, पुढच्या वर्षी लवकर या" च्या जयघोषात, ढोल-ताशांच्या गजरात आणि गुलालाची उधळण करत भाविकांनी लाडक्या बाप्पाला अत्यंत भावुक वातावरणात निरोप दिला. लक्ष्मी रस्ता, टिळक रस्ता, कुमठेकर रस्ता आणि केळकर रस्ता या मुख्य मार्गांवरून ही भव्य मिरवणूक पार पडली.https://maharashtramirror.com/ Pune News

पुणे पोलीस आणि महापालिकेने दिलेल्या अधिकृत माहितीनुसार, यंदा सार्वजनिक आणि घरगुती गणेशमूर्तींच्या विसर्जनाचा मोठा टप्पा गाठला गेला सार्वजनिक गणेश मंडळे: एकूण ४,१७० सार्वजनिक गणेशमूर्तींचे विसर्जन करण्यात आले.https://maharashtramirror.com/ Pune News
घरगुती गणेशमूर्ती: शहरातील विविध हौद, कृत्रिम तलाव आणि विसर्जन केंद्रांवर ६,२४,००० हून अधिक घरगुती गणपतींचे विसर्जन झाले.
अनंत चतुर्दशीच्या सकाळी मानाचा पहिला गणपती 'श्री कसबा गणपती'च्या आरतीने मिरवणुकीला सुरुवात झाली होती. त्यानंतर पाचही मानाच्या गणपतींचे विसर्जन टप्प्याटप्प्याने पार पडले. मानाच्या गणपतींचे विसर्जन झाल्यानंतर शहरातील इतर हजारो सार्वजनिक मंडळांच्या मिरवणुका रात्रभर आणि दुसऱ्या दिवशी संध्याकाळपर्यंत सुरू होत्या.

मिरवणूक सुरळीत पार पाडण्यासाठी १० हजारांहून अधिक पोलीस कर्मचारी, होमगार्ड आणि राज्य राखीव दलाच्या तुकड्या तैनात करण्यात आल्या होत्या. पुणे महानगरपालिकेने नदीपात्रातील प्रदूषण रोखण्यासाठी ठिकठिकाणी उभारलेल्या कृत्रिम विसर्जन हौदांना नागरिकांनी मोठा प्रतिसाद दिला. विसर्जनाचा कालावधी दीड दिवसांपेक्षा जास्त लांबला असला, तरी संपूर्ण उत्सव अतिशय उत्साहात आणि शांततेत पार पडला.