PUNE NEWS :महाराष्ट्र वुशू संघटनेच्या अध्यक्षपदी संदीप खर्डेकर, तर सचिवपदी सौ. ललिता कटके यांची नियुक्ती.

'महाराष्ट्र राज्य वुशू रेफ्री अँड जजेस कोर्स २०२६'चे आयोजन; राज्यभरातून १०० हून अधिक प्रतिनिधींचा सहभाग

पुणे, निलेश राऊत PUNE NEWS : महाराष्ट्र वुशू संघटनेच्या अध्यक्षपदी संदीप खर्डेकर, तर सचिवपदी ललिता कटके यांची नियुक्ती केल्याचे वुशू असोसिएशन ऑफ इंडियाचे संयुक्त सचिव सोपानराव कटके यांनी जाहीर केले.

वुशू पंचांच्या गुणवत्तावृद्धीसाठी महत्त्वाचा उपक्रम
ऑल महाराष्ट्र वुशू असोसिएशनच्या वतीने आयोजित करण्यात आलेल्या 'महाराष्ट्र राज्य वुशू रेफ्री अँड जजेस कोर्स २०२६' चे उद्घाटन सिंहगड किल्ल्याच्या पायथ्याशी असलेल्या निसर्गरम्य डोणजे गावातील प्रथमेश गो क्रेझी रिसॉर्ट येथे पार पडले. "चार दिवस चाललेल्या ह्या निवासी प्रशिक्षण कोर्सचे आयोजन महाराष्ट्रातील वुशू पंचांच्या गुणवत्तावृद्धीसाठी हा एक महत्त्वपूर्ण उपक्रम ठरत आहे," असे सोपानराव कटके म्हणाले.PUNE NEWS

उद्घाटन समारंभाचे प्रमुख अतिथी संदीप खर्डेकर अध्यक्ष, ऑल महाराष्ट्र वुशू असोसिएशन यांच्या हस्ते दीपप्रज्वलन करून कार्यक्रमाचा शुभारंभ करण्यात आला. आपल्या मनोगतात त्यांनी महाराष्ट्रात वुशू खेळाचा दर्जा उंचावण्यासाठी प्रशिक्षित आणि आंतरराष्ट्रीय दर्जाचे पंच तयार होणे ही काळाची गरज असल्याचे सांगितले. त्यांनी या प्रशिक्षण शिबिराचे कौतुक करत सहभागी पंचांना उज्ज्वल भविष्यासाठी शुभेच्छा दिल्या.

या वेळी बोलताना संदीप खर्डेकर यांनी 'शिवछत्रपती अवार्ड' विजेते आणि अंतरराष्ट्रीय दर्जाचे खेळाडू सोपानराव कटके सरांचा 'वुशू' खेळाच्या प्रचार-प्रसारात मोठा वाटा असून, आम्ही त्यांच्या नेतृत्व आणि मार्गदर्शनाखाली काम करू, असे जाहीर करतानाच कटके सरांच्या कार्याचा गौरव केला.PUNE NEWS

यावेळी सोपानराव एस. कटके, संयुक्त सचिव, वुशू असोसिएशन ऑफ इंडिया, यांनी राष्ट्रीय व आंतरराष्ट्रीय वुशू स्पर्धांमध्ये वापरल्या जाणाऱ्या आधुनिक नियमांची सखोल माहिती देत पंचांच्या जबाबदाऱ्यांवर प्रकाश टाकला.

तसेच वारजे कर्वेनगर क्षेत्रीय कार्यालयाच्या अध्यक्ष नगरसेविका मंजुश्री खर्डेकर यांनी उपस्थितांना मार्गदर्शन करत खेळ आणि खेळाडू घडविण्यात पंचांची भूमिका अत्यंत महत्त्वाची असल्याचे नमूद केले.PUNE NEWS

कार्यक्रमाचे नियोजन ऑल महाराष्ट्र वुशू असोसिएशनच्या सचिव आणि रिया इंटरनॅशनल स्कूलच्या संचालिका ललिता कटके यांच्या मार्गदर्शनाखाली करण्यात आले. त्यांनी राज्यातील विविध जिल्ह्यांतून आलेल्या पंच, प्रशिक्षक आणि क्रीडा शिक्षकांचे स्वागत करून या कोर्सची उद्दिष्टे स्पष्ट केली.

या उद्घाटन सोहळ्यास टार्गेटबॉल असोसिएशन ऑफ महाराष्ट्र चे सरचिटणीस दादासाहेब भोरे यांचीही विशेष उपस्थिती लाभली. त्यांनी उपस्थितांना शुभेच्छा देत महाराष्ट्रातील क्रीडा चळवळीला अशा प्रशिक्षण शिबिरांमुळे नवी दिशा मिळत असल्याचे सांगितले.PUNE NEWS

वुशूच्या सांडा (Sanda) प्रकारासाठी ललित कुमार आणि ताओलू (Taolu) प्रकारासाठी अभिजीत ऐसवाल यांची अधिकृत प्रशिक्षक व परीक्षक म्हणून नियुक्ती करण्यात आली व त्यांनी प्रशिक्षणार्थींना आधुनिक पंचगिरीचे प्रशिक्षण दिले.

पाच दिवस चाललेल्या या निवासी शिबिरात महाराष्ट्रातील विविध जिल्ह्यांमधून आलेले १०० हून अधिक पंच, प्रशिक्षक, क्रीडा शिक्षक व वुशू पदाधिकारी सहभागी झाले. अत्याधुनिक पंचगिरीचे नियम, स्पर्धा संचालन, गुणांकन पद्धती आणि आंतरराष्ट्रीय मानकांनुसार निर्णय प्रक्रिया यांचे प्रशिक्षण या कोर्समध्ये दिले जात आहे.PUNE NEWS

वुशू खेळाच्या विकासाला मिळणार नवी गती
या प्रशिक्षण शिबिरामुळे महाराष्ट्राला आगामी राष्ट्रीय व आंतरराष्ट्रीय स्पर्धांसाठी सक्षम, प्रशिक्षित आणि दर्जेदार पंचांची फळी उपलब्ध होणार असून, राज्यातील वुशू खेळाच्या विकासाला नवी गती मिळणार असल्याचा विश्वास आयोजकांनी व्यक्त केला.

PUNE NEWS