Pune News : मेडिकव्हर हॉस्पिटल, भोसरी येथे ‘द व्हॉइस ऑफ रिकव्हरी’ उपक्रमाचे आयोजन; शस्त्रक्रियेनंतर नव्याने आयुष्य सुरू करणाऱ्या रुग्णांचा गौरव

Pune News : पुणे : मेडिकव्हर हॉस्पिटल, भोसरी, पुणे यांच्या वतीने ‘द व्हॉइस ऑफ रिकव्हरी’ या विशेष उपक्रमाचे आयोजन करण्यात आले. शस्त्रक्रियेनंतर पुन्हा निरोगी आयुष्याकडे वाटचाल करणाऱ्या रुग्णांच्या जिद्दीचा, धैर्याचा आणि यशस्वी पुनर्वसनाचा गौरव करणे हा या उपक्रमाचा उद्देश होता. यावेळी रुग्ण, डॉक्टर आणि आरोग्य क्षेत्रातील व्यावसायिक एकत्र आले. त्यांनी उपचारांदरम्यान वैद्यकीय सेवेबरोबरच भावनिक आधाराचे महत्त्व अधोरेखित केले.https://maharashtramirror.com/ Pune News

या कार्यक्रमातील ‘माय लाइफ आफ्टर सर्जरी’ हा विशेष विभाग आकर्षणाचा केंद्रबिंदू ठरला. यामध्ये रुग्णांनी आजारपणावर मात करण्यापासून ते शस्त्रक्रियेनंतर पुन्हा दैनंदिन जीवन सुरू करण्यापर्यंतचे अनुभव सांगितले. उपचारांदरम्यान वैद्यकीय पथकाकडून मिळालेली मदत, पुनर्वसनाची प्रक्रिया आणि आयुष्यात झालेले सकारात्मक बदल याविषयी त्यांनी मनोगत व्यक्त केले.

या उपक्रमामुळे रुग्णांना आपले अनुभव मांडण्याची, यशस्वी पुनर्वसनाचा आनंद व्यक्त करण्याची आणि शस्त्रक्रियेची तयारी करणाऱ्या किंवा उपचारांनंतर सावरणाऱ्या इतर रुग्णांना प्रेरणा देण्याची संधी मिळाली. वेळेवर उपचार, तज्ज्ञांकडून शस्त्रक्रिया, शस्त्रक्रियेनंतरची काळजी, पुनर्वसन आणि कुटुंबीयांचा आधार यांचे महत्त्वही या अनुभवांतून अधोरेखित झाले.

या कार्यक्रमाला डॉ. राहुल गागरे, डॉ. श्रीरंग कुलकर्णी, डॉ. भगवान आगे आणि डॉ. व्यंकटेश सोनकवडे यांची प्रमुख उपस्थिती होती. त्यांनी रुग्णांच्या जिद्दीचे आणि आरोग्यपूर्ण आयुष्याकडे परतण्याच्या त्यांच्या प्रयत्नांचे कौतुक केले.

‘संवाद साधा, चर्चा करा, निर्णय घ्या’ या संकल्पनेवर आधारित या उपक्रमातून रुग्ण आणि डॉक्टर यांच्यातील संवादाला प्रोत्साहन देण्यात आले. तसेच शस्त्रक्रियेनंतरच्या जीवनाविषयी जागरूकता निर्माण करून आरोग्यविषयक निर्णय अधिक माहितीपूर्ण पद्धतीने घेण्याचे महत्त्व सांगण्यात आले. कार्यक्रमात परस्पर संवाद, अनुभवांची देवाणघेवाण आणि स्नेहभोजनाचेही आयोजन करण्यात आले होते.

या उपक्रमाच्या माध्यमातून मेडिकव्हर हॉस्पिटलने रुग्णकेंद्रित आरोग्यसेवेप्रती आपली बांधिलकी पुन्हा अधोरेखित केली. शस्त्रक्रिया यशस्वी होणे हा उपचारांचा एक महत्त्वाचा टप्पा असला, तरी आत्मविश्वास पुन्हा मिळवणे, शारीरिक क्षमता वाढवणे आणि नव्या आशेने आयुष्य जगणे हेदेखील तितकेच महत्त्वाचे असल्याचा संदेश या कार्यक्रमातून देण्यात आला.