मुख्य मजकुराकडे जा
ब्रेकिंग न्यूज
पंतप्रधान नरेंद्र मोदी यांचा बारामती दौरा रद्द; १२ डिसेंबरला शरद पवारांच्या हस्ते ‘प्रेरणास्थळा’चे उद्घाटनअजितदादांच्या विमान अपघातानंतर बारामती विमानतळासाठी ६४.५३ कोटींचा निधी मंजूर; सुप्रिया सुळे भावुककेरळ भाजपला सलग दुसऱ्या दिवशी धक्का; पद्मिनी थॉमस यांची पक्षाला सोडचिठ्ठी, काँग्रेसमध्ये घरवापसी करणारभाजपच्या स्वीकृत नगरसेवक निवडीत महिलांना ठेंगा!लक्ष्मी रोडवरील अतिक्रमणविरोधी कारवाईला तुर्तास ब्रेकगाडीच्या भाड्यावरून झालेल्या वादात चालकाला दगडाने मारहाण

प्राध्यापक भरती प्रक्रियेला गती मिळणार; चंद्रकांत पाटील यांच्या उपस्थितीत मंत्रालयात सकारात्मक बैठक

राज्यातील उच्च शिक्षण संस्थांमधील प्राध्यापकांची रिक्त पदे भरण्याच्या प्रक्रियेला आता गती मिळण्याची शक्यता निर्माण झाली आहे.

Vikrant Kulkarni
Vikrant Kulkarni

1 मिनिट वाचन

प्राध्यापक भरती प्रक्रियेला गती मिळणार
चंद्रकांत पाटील यांच्या उपस्थितीत मंत्रालयात सकारात्मक बैठक

मुंबई : राज्यातील उच्च शिक्षण संस्थांमधील प्राध्यापकांची रिक्त पदे भरण्याच्या प्रक्रियेला आता गती मिळण्याची शक्यता निर्माण झाली आहे. NET-SET आणि पीएच.डी.धारक संघर्ष समितीच्या विविध प्रलंबित मागण्यांबाबत राज्याचे उच्च व तंत्रशिक्षण मंत्री चंद्रकांत पाटील यांच्या उपस्थितीत मंत्रालयात महत्त्वपूर्ण बैठक पार पडली. या बैठकीत प्राध्यापक भरती प्रक्रियेतील अडचणी आणि उमेदवारांच्या मागण्यांवर सकारात्मक चर्चा करण्यात आली.

राज्यातील विविध विद्यापीठे आणि महाविद्यालयांमध्ये प्राध्यापकांची अनेक पदे रिक्त असल्याने शैक्षणिक कामकाजावर परिणाम होत आहे. पात्रता पूर्ण करूनही अनेक NET-SET आणि पीएच.डी.धारक उमेदवारांना नोकरीच्या संधींसाठी प्रतीक्षा करावी लागत आहे. त्यामुळे भरती प्रक्रिया लवकरात लवकर राबविण्याची मागणी उमेदवारांकडून सातत्याने केली जात आहे.

या पार्श्वभूमीवर चंद्रकांत पाटील यांनी प्राध्यापक भरती प्रक्रियेला गती देण्याच्या दृष्टीने विद्यापीठांच्या कुलसचिवांची तातडीने बैठक घेण्याचे निर्देश दिले. या बैठकीत भरती प्रक्रियेतील अडथळे, रिक्त पदांचा आढावा आणि आवश्यक प्रशासकीय बाबींवर चर्चा होण्याची शक्यता आहे.

मंत्रालयातील या सकारात्मक चर्चेमुळे प्राध्यापक भरतीच्या प्रतीक्षेत असलेल्या पात्र उमेदवारांच्या आशा पुन्हा पल्लवित झाल्या आहेत. आता शासनाकडून पुढील कार्यवाही कधी केली जाते, याकडे उमेदवारांचे लक्ष लागले आहे.

शेअर करा
Vikrant Kulkarni

News and Vedio editor

i am vikrant kulkarni. i am news and vedio editor of maharashtra mirror news paper