Delhi News : ज्ञानेश कुमार चोर है’च्या घोषणांनी राजधानी हादरली; बॅलेट पेपरवर निवडणुका घेण्याच्या नवीन मागणीने केंद्र सरकारची डोकेदुखी वाढली!
Delhi News :नवी दिल्ली :- केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्या कथित निवडणूक घोटाळ्याविरोधात दिल्लीत ‘इंडिया’ (INDIA) आघाडीचा अभूतपूर्व संग्राम पाहायला मिळत आहे. संसदेपासून थेट निवडणूक आयोगाच्या (Nirvachan Sadan) दिशेने निघालेला विरोधी पक्षांचा विराट मोर्चा पोलिसांनी अर्ध्या रस्त्यातच अडवल्यानंतर, काँग्रेस नेते राहुल गांधी, प्रियंका गांधी वाड्रा यांच्यासह विरोधकांच्या तब्बल 140 खासदारांनी भररस्त्यात रणरणत्या उन्हात ठिय्या आंदोलन सुरू केले आहे.https://maharashtramirror.com/ Delhi News
‘ज्ञानेश कुमार चोर है’ आणि ‘ईव्हीएम हटाव, लोकशाही वाचवा’ अशा तीव्र घोषणाबाजीने नवी दिल्लीचा परिसर पूर्णपणे ढवळून निघाला असून मुख्य निवडणूक आयुक्त ज्ञानेश कुमार यांच्या तातडीच्या राजीनाम्याची मागणी विरोधकांनी लावून धरली आहे.https://maharashtramirror.com/ Delhi News
‘आकाशवाणी भवनासमोर मोर्चा अडवला; बॅरिकेड्सवर चढून सपा खासदार धर्मेंद्र यादवांची निदर्शने’
मिळालेल्या माहितीनुसार, इंडिया आघाडीच्या या मोर्च्यात 140 हून अधिक खासदार सहभागी झाले आहेत. संसद भवनापासून अवघ्या 400 मीटर अंतरावर आकाशवाणी भवन (गेट क्र. 3) समोर पोलिसांनी भक्कम बॅरिकेडिंग करून आंदोलकांना रोखले.
मोर्चा पुढे जाण्यापासून रोखताच काँग्रेस नेते राहुल गांधी, प्रियंका गांधी आणि इतर प्रमुख विरोधी नेत्यांनी रस्त्यावरच ठिय्या मांडला. यादरम्यान राजकीय वातावरण इतके तापले की, समाजवादी पक्षाचे (SP) खासदार धर्मेंद्र यादव यांच्यासह काही खासदार थेट पोलिसांच्या बॅरिकेड्सवर चढून घोषणाबाजी करू लागले. मोर्चेकऱ्यांनी निवडणूक आयोगाच्या कार्यालयात घुसू नये यासाठी संपूर्ण परिसराला छावणीचे रूप आले असून पोलिसांच्या बसेस आणि पॅरामिलिट्री फोर्सला (Paramilitary Force) मोठ्या प्रमाणावर तैनात करण्यात आले आहे.
‘विरोधकांचा नवा धक्का; आता सर्व निवडणुका थेट ‘बॅलेट पेपर’वर घेण्याची आक्रमक मागणी!’
कथित निवडणूक घोटाळ्यावरून मुख्य निवडणूक आयुक्तांच्या राजीनाम्याची मागणी करत असलेल्या विरोधकांनी आजच्या आंदोलनात एक नवीन आणि मोठा राजकीय बॉम्ब टाकला आहे. “देशातील सर्व निवडणुका आता इलेक्ट्रॉनिक व्होटिंग मशीन (EVM) ऐवजी जुन्या ‘बॅलेट पेपर’ (Ballot Paper) पद्धतीवरच घेण्यात याव्यात,” अशी नवी आणि कडक अट विरोधकांनी सरकारसमोर ठेवली आहे. विरोधकांच्या या आक्रमक पवित्र्यामुळे केंद्र सरकारची डोकेदुखी आणखी वाढण्याची दाट शक्यता वर्तवण्यात येत आहे.
‘रॅपिड ॲक्शन फोर्स तैनात; दिल्ली पोलीस ‘बॉडी कॅमेऱ्यां’सह ॲक्शन मोडमध्ये’
दिल्लीतील बिघडती कायदा व सुव्यवस्था पाहता प्रशासनाने खबरदारीचे कडक उपाय योजले आहेत. आंदोलनाच्या ठिकाणी रॅपिड ॲक्शन फोर्स (RAF) चे जवान तैनात करण्यात आले असून, दिल्ली पोलिसांना विशेष सूचना देण्यात आल्या आहेत. नवी दिल्लीचे डीसीपी सचिन शर्मा यांच्यासह ड्युटीवर तैनात असलेले सर्व पोलीस अधिकारी व कर्मचारी सुरक्षेचा आणि तपासाचा भाग म्हणून ‘बॉडी कॅमेरे’ (Body Cameras) लावूनच प्रत्येक हालचालीवर बारीक लक्ष ठेवून आहेत. दरम्यान, तणावपूर्ण वातावरण असतानाही पोलिसांनी अद्याप कोणत्याही खा खासदाराला ताब्यात घेतलेले नाही.
