Mumbai Weather Update : मुंबईकर सावध! आजही महाराष्ट्रात मुसळधार पाऊस पडू शकतो, अशी माहिती आयएमडीने दिली आहे
मुंबई :– आजही मंगळवारी 14 मे रोजी मुसळधार पाऊस पडू शकतो. असा अंदाज हवामान खात्याने वर्तवला आहे. 14 मे रोजीही महाराष्ट्रात मुसळधार पाऊस पडू शकतो. मुंबईत काल सोमवारी (13 मे) जोरदार वादळ आणि पाऊस लोकांसाठी आपत्ती ठरला. घाटकोपर परिसरात जाहिरात फलक पडून चार जणांना जीव गमवावा लागला. या अपघाताच्या उच्चस्तरीय चौकशीचे आदेश राज्य सरकारने दिले आहेत.
•Mumbai Weather Update मुंबईत काल वादळ आणि पावसामुळे नागरिकांना अडचणींचा सामना करावा लागला.
या घटनेनंतर मुख्यमंत्री एकनाथ शिंदे यांनी मृतांच्या कुटुंबीयांना प्रत्येकी 5 लाख रुपयांची भरपाई जाहीर केली आहे. दरम्यान, उपमुख्यमंत्री देवेंद्र फडणवीस म्हणाले, “ही दुर्दैवी घटना आहे. एक मोठे होर्डिंग पडले आहे. अनेकांना बाहेर काढण्यात आले आहे आणि काही लोकांचा मृत्यूही झाला आहे. सध्या लोक अडकल्याची शक्यता आहे. बचाव कार्य सुरू आहे. “याची चौकशी करून दोषींवर सरकारकडून कठोर कारवाई केली जाईल.”
एनडीआरएफची टीम घटनास्थळी तैनात आहे. जखमींवर राजावाडी रुग्णालयात उपचार सुरू आहेत. सोमवारी दुपारी साडेचारच्या सुमारास हा अपघात झाला.
दुसरीकडे वडाळा परिसरात जोरदार वाऱ्यामुळे पार्किंगचा लोखंडी टॉवर रस्त्यावर पडला. या अपघातात तीन जण जखमी झाले असून काही वाहनांचे नुकसान झाले आहे.
