Uddhav Thackeray: निरोप दादांना! उद्धव ठाकरे बारामतीत, रश्मी ठाकरेंनी सावरले सुनेत्रा वहिनींना; थोड्याच वेळात 'विद्या प्रतिष्ठान'वर अखेरचा निरोप
Uddhav Thackeray Meet Ajit Pawar Family : अमित शाह, नितीन गडकरींच्या उपस्थितीत शासकीय इतमामात होणार अंत्यसंस्कार; शरद पवारांकडून अफवांना पूर्णविराम
1 मिनिट वाचन
Uddhav Thackeray Meet Ajit Pawar Family : अमित शाह, नितीन गडकरींच्या उपस्थितीत शासकीय इतमामात होणार अंत्यसंस्कार; शरद पवारांकडून अफवांना पूर्णविराम
बारामती | महाराष्ट्राचे उपमुख्यमंत्री आणि राष्ट्रवादी काँग्रेसचे लोकप्रिय नेते अजित पवार Ajit Pawar यांच्या निधनाने अवघा महाराष्ट्र हळहळत आहे. काल रात्री उशिरा शिवसेना (ठाकरे गट) पक्षप्रमुख उद्धव ठाकरे, त्यांच्या पत्नी रश्मी ठाकरे आणि मुलगा आदिती ठाकरे यांनी बारामती गाठून पवार कुटुंबाचे सांत्वन केले. यावेळी बारामतीतील वातावरण अत्यंत सुन्न झाले होते.
ठाकरे-पवार भेटीने वातावरण हेलावले
उद्धव ठाकरे यांनी सुनेत्रा पवार आणि शरद पवार यांची भेट घेऊन त्यांना धीर दिला. सुनेत्रा वहिनींचे सांत्वन करताना रश्मी ठाकरे यांनाही अश्रू अनावर झाले. "राज्याने एक खंबीर आणि धाडसी नेतृत्व गमावले आहे," अशा भावना उद्धव ठाकरे यांनी यावेळी व्यक्त केल्या.
छायाचित्रे · 1/3
Arrow Keys ⟵ ⟶
हा निव्वळ अपघात, राजकारण करू नका : शरद पवार
अजितदादांच्या अपघातावरून अनेक उलटसुलट चर्चा सुरू होत्या. मात्र, राष्ट्रवादी काँग्रेसचे सर्वेसर्वा शरद पवार यांनी याला पूर्णविराम दिला. "हा केवळ एक भीषण अपघात आहे, यात कोणताही घातपात किंवा राजकारण नाही. त्यांच्या मृत्यूचे राजकारण करू नका, हे राज्याचे आणि आमचे वैयक्तिक मोठे नुकसान आहे," असे सांगताना शरद पवार यांनाही भरून आले.
आजच्या अंत्यसंस्काराचे 'मिनिट-टू-मिनिट' नियोजन
अजितदादांच्या पार्थिवावर आज, 29 जानेवारी रोजी बारामतीमध्ये शासकीय इतमामात अंत्यसंस्कार पार पडतील.
सकाळी 9.00 वाजेपर्यंत: काटेवाडी येथील त्यांच्या निवासस्थानी पार्थिव अंत्यदर्शनासाठी ठेवले जाईल.
सकाळी 9.30 वाजता: काटेवाडी ते ग. दि. मा. सभागृह आणि तिथून विद्या प्रतिष्ठानकडे अंत्ययात्रा निघेल.
सकाळी 11.00 वाजता: विद्या प्रतिष्ठानच्या मैदानावर शासकीय इतमामात आणि पूर्ण लष्करी मानवंदनेसह अंत्यविधी पार पडतील.
दिग्गज नेत्यांची उपस्थिती
अंत्यविधीसाठी केंद्रीय गृहमंत्री अमित शाह, नितीन गडकरी, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे उपस्थित राहणार आहेत. 2 ते 3 लाख समर्थक येण्याची शक्यता असल्याने बारामतीत NDRF आणि पोलिसांचा मोठा फौजफाटा तैनात आहे.
