Panvel News : पनवेलमध्ये शेतघरातील बेकायदेशीर 'हुक्का पार्लर'वर पोलिसांची धाड; मालकासह सात जणांवर गुन्हे दाखल

Panvel Latest Crime News : मानघर येथील पाटील फार्महाऊसवर कारवाई; 23 हजारांहून अधिक किमतीचे साहित्य जप्त, पोलिसांच्या इशाऱ्याकडे दुर्लक्ष करणे पडले महागात

पनवेल :- पनवेल तालुक्यातील मानघर परिसरात एका शेतघरात छुप्या पद्धतीने सुरू असलेल्या बेकायदेशीर हुक्का पार्लरचा पनवेल शहर पोलिसांनी पर्दाफाश केला आहे. 8 मार्च रोजी रात्री उशिरा करण्यात आलेल्या या कारवाईत पोलिसांनी फार्महाऊस मालकासह सात जणांविरोधात गुन्हे दाखल केले असून घटनास्थळावरून हुक्का ओढण्याचे साहित्य जप्त केले आहे. Panvel Latest Murder News

गुप्त माहितीच्या आधारे धाडसी कारवाई

पनवेल शहर पोलीस ठाण्याचे वरिष्ठ पोलीस निरीक्षक नितीन ठाकरे यांना मानघर गावातील 'पाटील फार्महाऊस'वर बेकायदेशीर हुक्का पार्लर चालवला जात असल्याची खात्रीशीर माहिती मिळाली होती. या माहितीच्या आधारे पोलीस उपनिरीक्षक दत्तात्रय देवकाते यांच्या पथकाने संबंधित ठिकाणी अचानक धाड टाकली. यावेळी फार्महाऊसमध्ये बेकायदेशीरपणे हुक्का विक्री आणि सेवन सुरू असल्याचे पोलिसांच्या निदर्शनास आले.

मालक, व्यवस्थापक आणि वेटर्सवर गुन्हे

या कारवाईत पोलिसांनी घटनास्थळावरून सात जणांना ताब्यात घेऊन त्यांच्यावर फौजदारी गुन्हे दाखल केले आहेत. यामध्ये खालील व्यक्तींचा समावेश आहे:

रामदास पाटील (शेतघर मालक)

राजन तेली व राहुल तेली (व्यवस्थापक)

सलिम अहमद, नफीस अहमद, गणेश दास आणि विकासकुमार गौतम (वेटर)

या सर्वांवर सिगारेट व तंबाखूजन्य पदार्थ अधिनियम (COTPA) 2003 च्या कलम 4 (अ) व 21 (अ) अन्वये गुन्हा नोंदवण्यात आला आहे.

साहित्याची जप्ती आणि पोलिसांचा इशारा

पोलिसांनी घटनास्थळावरून अंदाजे 23,500 रुपये किमतीचे साहित्य जप्त केले आहे. यामध्ये 8 मोठे काचेचे हुक्का कुंभ, 10 पाईप आणि विविध चवींचे तंबाखूजन्य अमली पदार्थ असलेल्या डब्यांचा समावेश आहे.