Delhi News : मोदींकडून जॉर्जिया मेलोनींचे अभिनंदन

Delhi News : नवी दिल्ली : इटलीच्या पंतप्रधान जॉर्जिया मेलोनी यांनी सलग सर्वाधिक काळ पंतप्रधानपद भूषविण्याचा विक्रम केल्याबद्दल पंतप्रधान नरेंद्र मोदी यांनी त्यांचे अभिनंदन केले आहे. मोदी यांनी सोशल मीडिया पोस्टद्वारे मेलोनी यांना शुभेच्छा देताना त्यांचा उल्लेख ‘माझी मैत्रीण’ असा केला. मेलोनी यांच्या नेतृत्वावर इटलीच्या जनतेने दाखवलेला विश्वास आणि निष्ठा या विक्रमातून दिसून येत असल्याचे मोदी यांनी म्हटले. https://maharashtramirror.com/ Delhi News
मोदी यांनी पुढे म्हटले की, जॉर्जिया मेलोनी यांच्याशी असलेली मैत्री भारत-इटली विशेष धोरणात्मक भागीदारी अधिक मजबूत करण्यासाठी महत्त्वाची ठरली आहे. दोन्ही देशांतील जनतेच्या समृद्ध भविष्यासाठी भारत आणि इटलीने भविष्यातही एकत्रितपणे काम करावे, अशी अपेक्षा त्यांनी व्यक्त केली. तसेच, मेलोनी यांना आगामी काळातील यशासाठीही मोदी यांनी शुभेच्छा दिल्या.https://maharashtramirror.com/ Delhi News

मेलोनी यांच्या सरकारने शुक्रवारी सलग १,४१३ दिवसांचा कार्यकाळ पूर्ण केला. १९४६ मध्ये इटली प्रजासत्ताक बनल्यानंतर एखाद्या मंत्रिमंडळाने सलग सत्तेत राहण्याचा हा सर्वाधिक कालावधी ठरला आहे. यापूर्वी हा विक्रम माजी पंतप्रधान सिल्व्हियो बर्लुस्कोनी यांच्या दुसऱ्या सरकारच्या नावावर होता. बर्लुस्कोनी यांचे दुसरे मंत्रिमंडळ २००१ ते २००५ या काळात १,४१२ दिवस सत्तेत होते.https://maharashtramirror.com/ Delhi News
जॉर्जिया मेलोनी यांनी २२ ऑक्टोबर २०२२ रोजी इटलीच्या पंतप्रधानपदाची सूत्रे स्वीकारली. इटलीच्या इतिहासातील त्या पहिल्या महिला पंतप्रधान ठरल्या. त्या उजव्या विचारसरणीच्या ‘ब्रदर्स ऑफ इटली’ पक्षाच्या प्रमुख आहेत. तीन उजव्या विचारसरणीच्या आणि पुराणमतवादी पक्षांच्या आघाडीचे सरकार त्यांनी स्थापन केले आहे.

इटलीमध्ये गेल्या अनेक दशकांपासून राजकीय अस्थिरता आणि सरकारे वारंवार बदलण्याचा इतिहास राहिला आहे. १९४६ पासून आतापर्यंत देशात तब्बल ६८ सरकारे स्थापन झाली असून, त्यांचा सरासरी कार्यकाळ सुमारे १३ महिन्यांचा राहिला आहे. त्यामुळे मेलोनी यांच्या सरकारने जवळपास चार वर्षांचा कार्यकाळ पूर्ण करणे ही इटलीच्या राजकारणातील महत्त्वाची घटना मानली जात आहे.https://maharashtramirror.com/ Delhi News
या विक्रमानिमित्त मेलोनी यांच्या पक्षाकडून शुक्रवारी संध्याकाळी दक्षिण इटलीतील बारी शहरात रॅलीचे आयोजन करण्यात आले आहे. या रॅलीत मेलोनी भाषण करणार आहेत. मात्र, त्यांच्या टीकाकारांनी सरकारचा दीर्घ कार्यकाळ हीच उपलब्धी म्हणून सादर केली जात असल्याची टीका केली आहे.

पंतप्रधान नरेंद्र मोदी आणि जॉर्जिया मेलोनी यांच्यातील मैत्रीचे संबंध यापूर्वीही चर्चेत आले आहेत. मे २०२६ मध्ये मोदी यांच्या इटली दौऱ्यादरम्यान त्यांनी मेलोनी यांना ‘मेलोडी’ टॉफीचे पाकीट भेट दिले होते. मेलोनी यांनी त्याचा व्हिडिओ सोशल मीडियावर शेअर करत मोदींचे आभार मानले होते. यापूर्वी मोदी आणि मेलोनी यांच्या एकत्रित छायाचित्रांनंतर सोशल मीडियावर #Melodi हा हॅशटॅगही मोठ्या प्रमाणात लोकप्रिय झाला होता.