Pandharpur News : एस.टी. प्रवर्गातून आरक्षण देण्याची मागणी; तहसील कार्यालयासमोर गजी ढोल वाजवत आंदोलन

Pandharpur News : पंढरपूर : राज्यात मराठा आणि ओबीसी आरक्षणाचा मुद्दा तापलेला असतानाच आता पंढरपुरात धनगर समाजानेही आरक्षणाच्या मागणीसाठी आक्रमक पवित्रा घेतला आहे. धनगर समाजाला अनुसूचित जमाती (ST) प्रवर्गातून आरक्षण मिळावे, तसेच आरक्षणाच्या न्यायालयीन लढाईत सरकारने धनगर समाजाच्या बाजूने ठामपणे भूमिका घ्यावी, या प्रमुख मागण्यांसाठी आंदोलन करण्यात आले.
या आंदोलनादरम्यान आंदोलकांनी थेट तहसील कार्यालयाच्या प्रवेशद्वारावर गजी ढोल वाजवत प्रशासनाचे लक्ष वेधून घेतले. धनगर समाजाच्या आरक्षणाचा प्रश्न तातडीने मार्गी लावावा, तसेच सरकारने न्यायालयीन प्रक्रियेत समाजाच्या मागणीची प्रभावीपणे बाजू मांडावी, अशी मागणी आंदोलकांनी केली.https://maharashtramirror.com/ pandharpur News
आरक्षणाच्या मागणीसाठी धनगर समाजाकडून राज्यभरात आंदोलनाची भूमिका घेतली जात आहे. त्याच पार्श्वभूमीवर पंढरपुरात झालेल्या या आंदोलनामुळे धनगर आरक्षणाचा मुद्दा पुन्हा एकदा चर्चेत आला आहे.https://maharashtramirror.com/ Pandhapur News
धनगर समाजाला अनुसूचित जमाती प्रवर्गातून आरक्षण मिळावे, यासाठी सरकारने ठोस पावले उचलावीत आणि न्यायालयीन प्रक्रियेत समाजाच्या मागणीला प्रभावी पाठबळ द्यावे, अशी भूमिका आंदोलकांनी यावेळी मांडली.