Bihar Politics : बिहारमध्ये 'नितीश' पॅटर्न संपला? 20 वर्षांची परंपरा मोडीत! गृहमंत्रिपद भाजपच्या 'सम्राट'कडे सुपूर्द!

Bihar Political Latest News : युती सरकारमध्ये भाजपचा 'दबदबा': महत्त्वाची खाती भाजपकडे, 'नितीश' यांच्याकडे काय राहिले?

ANI :- बिहारचे मुख्यमंत्री Bihar CM म्हणून शपथ घेतल्यानंतर नितीश कुमार यांनी दुसऱ्याच दिवशी आपल्या मंत्रिमंडळातील 24 मंत्र्यांचे खातेवाटप जाहीर केले. या खातेवाटपातील सर्वात मोठा आणि धक्कादायक निर्णय म्हणजे, गेल्या 20 वर्षांपासून आपल्याकडे असलेले गृहमंत्रिपद नितीश कुमार यांनी यावेळी सोडले आहे. राज्याच्या कायदा आणि सुव्यवस्थेची कमान यावेळी भाजपनेते सम्राट चौधरी यांच्याकडे सोपवण्यात आली आहे, ज्यामुळे राजकीय वर्तुळात मोठे उलटफेर झाल्याची चर्चा आहे. नितीश कुमार यांचा हा निर्णय भाजपला अधिक ताकद देणारा आणि स्वतःचा राजकीय दबदबा कमी करणारा मानला जात आहे. Bihar Political Latest News

भाजपच्या हाती 'पॉवर'फुल खाती: महसूल, आरोग्य, उद्योग भाजपच्या ताब्यात

या खातेवाटपात भारतीय जनता पक्षाच्या (भाजप) नेत्यांना महत्त्वाची आणि 'पॉवर'फुल खाती मिळाली आहेत. उप-मुख्यमंत्री विजय कुमार सिन्हा यांच्याकडे महसूल आणि खनिकर्म मंत्रालयाची जबाबदारी देण्यात आली आहे. याव्यतिरिक्त, आरोग्य, कायदा, कृषी, उद्योग, सहकार, मागासवर्गीय कल्याण, अनुसूचित जाती जमाती कल्याण आणि नगरविकास यांसारखी अत्यंत महत्त्वाची आणि थेट जनतेशी संबंधित खाती भाजपने स्वतःकडे ठेवली आहेत, ज्यामुळे सरकारमधील भाजपचे वर्चस्व स्पष्टपणे दिसून येत आहे. मंगल पांडे यांना आरोग्य आणि विधी व न्याय, तर दिलीप जयस्वाल यांना उद्योग खात्याची जबाबदारी देण्यात आली आहे.

छोट्या पक्षांनाही 'वाटा': मित्रपक्षांना मिळालेली खाती

युती सरकारमध्ये सहभागी असलेल्या इतर मित्रपक्षांनाही मंत्रिमंडळात स्थान देण्यात आले आहे. लोक जनशक्ती पार्टी (रामविलास) पक्षाकडे ऊस उद्योग आणि सार्वजनिक आरोग्य नियंत्रण विभाग सोपवण्यात आला आहे. त्याचबरोबर, माजी मुख्यमंत्री जीतन राम मांझी यांच्या 'हम' पक्षाला सूक्ष्म जलसंधारण खात्याची, तर उपेंद्र कुशवाह यांच्या पक्षाला पंचायत राज विभागाची जबाबदारी देण्यात आली आहे. ही खाती दुय्यम असली तरी, मित्रपक्षांना सत्तेत योग्य वाटा मिळाला आहे.

18 जणांचे खाते जाहीर: सहा मंत्र्यांच्या खात्यांवर सस्पेन्स कायम

नितीश कुमार यांच्यासोबत एकूण 24 जणांनी मंत्रिपदाची शपथ घेतली होती. मात्र, आतापर्यंत फक्त 18 मंत्र्यांची खाती जाहीर करण्यात आली आहेत. उर्वरित 6 मंत्र्यांची खाती अजूनही जाहीर झालेली नाहीत, ज्यामुळे राजकीय चर्चांना अधिक जोर आला आहे. या उर्वरित सहा मंत्र्यांमध्ये कोणती खाती विभागली जातात आणि ते कोणत्या पक्षाचे असतील, यावर सरकारची पुढील दिशा ठरणार आहे. सध्याच्या खातेवाटपात नितीन नवीन (नगर विकास, रस्ते विकास), रामकृपाल यादव (कृषी), श्रेयसी सिंह (माहिती तंत्रज्ञान, क्रीडा) आणि रमा निषाद (ओबीसी कल्याण) यांचा समावेश आहे.