मुख्य मजकुराकडे जा
ब्रेकिंग न्यूज
लातूर जिल्हा बँकेच्या निवडणुकीत भाजपला धक्का; धीरज देशमुखांच्या सहकार पॅनलची बाजीसूर्यकुमार यादवची तुफानी खेळी! १५ चेंडूंत अर्धशतक, २१ चेंडूंत नाबाद ६० धावा; मुंबईचा दणदणीत विजयबसमधील गर्दीचा फायदा घेत ७३ वर्षीय महिलेची सोन्याची बांगडी चोरीलानॉर्थ मेन रस्त्याच्या रुंदीकरणासाठी २१.४ कोटींचे भूसंपादनएमपीएससीच्या नऊ परीक्षांतील गैरव्यवहारांच्या चौकशीसाठी मुदतवाढ; २३ नोव्हेंबरपर्यंत निवेदने सादर करा'जिजाई'वर पार्थ पवारांची आमदारांसोबत खलबते

नवी मुंबईत चार नाट्यगृह उभारणार

- मंत्री गणेश नाईक यांची घोषणा - नाना पाटेकर यांच्या नावाचाही विचार

स्मिता कुलकर्णी
स्मिता कुलकर्णी

1 मिनिट वाचन

नाट्यगृह

मुंबई, महाराष्ट्र मिरर : नवी मुंबईत चार नवीन नाट्यगृहे उभारण्याची योजना आखण्यात आली असून, त्यांना मराठी कला क्षेत्रातील दिग्गज कलाकारांची नावे देण्यात येणार आहेत. वनमंत्री गणेश नाईक यांनी याबाबत घोषणा केली. त्यानुसार ज्येष्ठ अभिनेते नाना पाटेकर यांच्यासह दादा कोंडके, विठ्ठल उमप आणि मच्छिंद्र कांबळी यांच्या नावांचा विचार केला जाणार आहे. या निर्णयामुळे नवी मुंबईच्या सांस्कृतिक क्षेत्राला नवी चालना मिळण्याची अपेक्षा व्यक्त होत आहे.

सध्या नवी मुंबईतील वाशी आणि ऐरोली येथे नाट्यगृहे आहेत. मात्र, शहराचा विस्तार आणि लोकसंख्या वाढत असल्याने अन्य भागांतही नाट्यगृहांची मागणी होत आहे. ही गरज लक्षात घेऊन घणसोली आणि नेरूळ येथे नवीन नाट्यगृहे उभारण्याची योजना आखण्यात आली आहे. शहरात एकूण चार नाट्यगृहे उभारण्याचा प्रस्ताव असून, त्यातून विविध भागांतील नागरिकांना नाटकांचा आनंद घेता येणार आहे.

नवीन नाट्यगृहांना राजकीय नेत्यांऐवजी मराठी कला क्षेत्रातील दिग्गज कलाकारांची नावे देण्याचा विचार करण्यात येत आहे. दादा कोंडके, विठ्ठल उमप, मच्छिंद्र कांबळी आणि नाना पाटेकर या कलाकारांच्या नावांचा त्यासाठी विचार होणार आहे. अभिनय, लोककला आणि चित्रपट क्षेत्रातील त्यांच्या योगदानाची आठवण नव्या पिढीपर्यंत पोहोचवण्याचा या निर्णयामागील उद्देश आहे. नवीन नाट्यगृहे उभारल्यामुळे स्थानिक नाट्यसंस्था, कलाकार आणि नाट्यप्रेमींना अधिक सुविधा उपलब्ध होण्याची अपेक्षा आहे.

शेअर करा
स्मिता कुलकर्णी

बातमीदार-उपसंपादक

महाराष्ट्र मिरर