Delhi News : राहुल गांधी आणि प्रियांका गांधी यांच्यात मतभेद? भाजपचा मोठा दावा; रामलीला मैदानातील सभेवरून काँग्रेसला घेरले

Delhi News :नवी दिल्ली : काँग्रेस आणि इंडिया आघाडीतील कथित अंतर्गत मतभेदांवरून भारतीय जनता पक्षाने (भाजप) विरोधकांवर जोरदार निशाणा साधला आहे. राहुल गांधी आणि प्रियांका गांधी यांच्यात मतभेद निर्माण झाले असून, काँग्रेसमध्ये दोन गट पडल्याचा खळबळजनक दावा भाजपने केला आहे. प्रियांका गांधी यांना पक्षातील महत्त्वाच्या कार्यक्रमांमध्ये बोलण्याची संधी दिली जात नसल्याचा आरोपही भाजपने केला आहे.https://maharashtramirror.com/ Delhi News

भाजपचे प्रवक्ते संबित पात्रा यांनी इन्स्टाग्रामवर व्हिडिओ संदेश प्रसिद्ध करत गांधी कुटुंबावर टीका केली. राहुल गांधी यांना प्रियांका गांधी यांची पक्षातील वाढती लोकप्रियता आणि राजकीय महत्त्व यामुळे आपले स्थान कमकुवत होण्याची भीती वाटत असल्याचा दावा त्यांनी केला.https://maharashtramirror.com/ Delhi News

प्रियांका गांधींना बोलण्याची संधी नाकारली?
संबित पात्रा यांनी काँग्रेसने आयोजित केलेल्या प्रतीकात्मक संसदेचा आणि रामलीला मैदानावरील इंडिया आघाडीच्या सभेचा उल्लेख करत प्रियांका गांधी यांना बोलण्याची संधी न दिल्याचा आरोप केला. पात्रा म्हणाले, “काल काँग्रेस पक्षाने राहुल गांधी यांच्या नेतृत्वाखाली एक प्रतीकात्मक संसद आयोजित केली होती. मात्र, या कार्यक्रमात राहुल गांधी किंवा काँग्रेस पक्षाने प्रियांका वाड्रा यांना बोलण्याची संधी दिली नाही.”तसेच, रामलीला मैदानावरील सभेतही विविध नेत्यांना आणि उपस्थितांना आपली मते मांडण्याची संधी देण्यात आली; मात्र प्रियांका गांधी नाराज दिसत होत्या आणि त्यांनाही बोलण्याची संधी मिळाली नाही, असा दावा पात्रा यांनी केला.

प्रियांका गांधी यांना जाणीवपूर्वक राजकीय व्यासपीठापासून दूर ठेवले जात असल्याचा आरोप करत संबित पात्रा यांनी गांधी कुटुंबातील कथित अंतर्गत संघर्षावर भाष्य केले. गांधी कुटुंबात प्रियांका गांधी यांचे राजकीय महत्त्व कमी करण्याचा प्रयत्न होत असून, त्यांच्या मतांनाही योग्य स्थान दिले जात नसल्याचे ते म्हणाले. मात्र, राहुल गांधी आणि प्रियांका गांधी यांच्यात प्रत्यक्षात मतभेद असल्याच्या भाजपच्या या दाव्याला काँग्रेसकडून अधिकृत दुजोरा मिळालेला नाही.

दरम्यान, इंडिया आघाडीने मुख्य निवडणूक आयुक्त ज्ञानेश कुमार यांच्या विरोधात प्रतीकात्मक महाभियोग प्रस्ताव दाखल केला आहे. केंद्र सरकारच्या दबावाखाली निवडणूक आयोग काम करत असल्याचा आणि मतदारांच्या मतदानाच्या अधिकाराला धोका निर्माण होत असल्याचा आरोप विरोधकांनी केला आहे. कथित निवडणूक अनियमितता आणि मतदार याद्यांच्या विशेष सखोल पुनरावलोकनाच्या (SIR) मुद्द्यावरून इंडिया आघाडीने रविवारी दिल्लीतील रामलीला मैदानावर मोठी सभा घेतली.

या सभेत विरोधी पक्षांच्या नेत्यांनी निवडणूक प्रक्रियेतील पारदर्शकतेचा मुद्दा उपस्थित करत केंद्र सरकार आणि निवडणूक आयोगावर टीका केली. एकीकडे निवडणूक प्रक्रियेवरून विरोधकांनी केंद्र सरकारला लक्ष्य केले असताना, दुसरीकडे भाजपने काँग्रेसमधील कथित अंतर्गत मतभेदांचा मुद्दा उपस्थित केला आहे. त्यामुळे आगामी काळात काँग्रेस आणि भाजपमधील राजकीय संघर्ष आणखी तीव्र होण्याची शक्यता आहे.