Delhi News : देशात अद्यापही दलितांसोबत भेदभाव ; राहुल गांधी यांचे प्रतिपादन

Delhi News : नवी दिल्ली - देशात दलितांवर आजही भेदभाव केला जात असल्याचा आरोप लोकसभेतील विरोधी पक्षनेते राहुल गांधी यांनी केला आहे. “चहाच्या टपरीवरही दलितांसाठी वेगळे कप ठेवले जातात,” असा दावा राहुल गांधी यांनी पत्रकार परिषदेत केला. तसेच काँग्रेसचे अध्यक्ष मल्लिकार्जुन खर्गे यांच्या उत्तराखंड दौऱ्यानंतर त्यांच्या भाषणाच्या ठिकाणाचे ‘शुद्धीकरण’ करण्यात आल्याचा आरोपही त्यांनी केला.
राहुल गांधी म्हणाले, “या देशात आजही दलितांसोबत भेदभाव केला जातो. चहाच्या टपरीवर दोन प्रकारचे कप ठेवले जातात. दलितांसाठी वेगळे कप आहेत. खर्गे यांचे भाषण झाल्यानंतर त्या ठिकाणाचे शुद्धीकरण करण्यात आले.”https://maharashtramirror.com/ Delhai news
खर्गे यांच्या कार्यक्रमानंतर ‘शुद्धीकरण’ करण्यात आल्याच्या घटनेवर राहुल गांधी यांनी तीव्र नाराजी व्यक्त केली. “हा प्रकार एससी/एसटी कायद्याचे उल्लंघन आहे. शुद्धीकरणाचा विधी करणे हा गुन्हा आहे. तरीही याप्रकरणी कोणतीही कारवाई करण्यात आलेली नाही. त्यामुळे उत्तराखंडमध्ये हा शुद्धीकरणाचा विधी करणाऱ्यांविरोधात तातडीने एफआयआर दाखल करावा, अशी आमची मागणी आहे.” https://maharashtramirror.com/ delhi news
“पंतप्रधान स्वतःला प्रत्येक जातीचा आणि संपूर्ण भारताचा पंतप्रधान असल्याचे सांगतात. मात्र, त्यांच्या पक्षाचे प्रमुख या शुद्धीकरणाच्या प्रकाराचे समर्थन करत असल्याचे दिसत आहे. त्यामुळे पंतप्रधानांनी तातडीने संबंधित व्यक्तींविरोधात एससी/एसटी कायद्यांतर्गत एफआयआर दाखल करण्याचे आदेश द्यावेत. उत्तराखंडमध्ये खर्गे यांना न्याय मिळवून देणे ही राज्य आणि केंद्र सरकारची जबाबदारी आहे,” असेही राहुल गांधी यांनी सांगितले. https://maharashtramirror.com/ delhi News
‘हा केवळ खर्गे यांचा मुद्दा नाही’
मल्लिकार्जुन खर्गे यांच्या वक्तव्यावर स्पष्टीकरण देताना राहुल गांधी म्हणाले, “खर्गे यांनी काही लोकांनी आपल्याला पाठिंबा दिला नसल्याचे म्हटले होते. काँग्रेसमधील बहुसंख्य लोकांनी त्यांना पाठिंबा दिला नाही, असे त्यांनी कुठेही म्हटलेले नाही. मी स्वतः त्यांना पाठिंबा दिला आहे. इतर अनेकांनीही त्यांना पाठिंबा दिला आहे. त्यांना असे वाटणाऱ्या काही लोकांचा ते उल्लेख करत होते ज्यांनी त्यांना पाठिंबा दिला नाही.”
“मी याबाबत खर्गे यांच्याशी चर्चा केली आहे. हा केवळ खर्गे यांचा मुद्दा नाही. हा भारतातील प्रत्येक दलित व्यक्तीचा मुद्दा आहे. आम्ही हा मुद्दा येथे उपस्थित केला आहे. मात्र, हे हिमनगाचे केवळ टोक आहे. जर अशा प्रकारे आमच्या पक्षाध्यक्षांसोबत वागले जाऊ शकते, तर ते खुलेपणाने आणि कोणतीही भीती न बाळगता केले जाऊ शकते. मग शाळेत शिकणाऱ्या चार वर्षांच्या मुलासोबत काय होत असेल, याची कल्पना करा,” असे राहुल गांधी म्हणाले.
‘ही त्यांची विचारधारा, आमचा लढा विचारधारेविरोधात’
राहुल गांधी म्हणाले, “आम्ही खर्गे यांच्यासाठी हा मुद्दा उपस्थित करत आहोत, कारण ते आमचे अध्यक्ष आहेत. मात्र, आम्ही हा मुद्दा भारतातील प्रत्येक दलित व्यक्तीसाठी आणि प्रत्येक महिलेसाठी उपस्थित करत आहोत. हे आम्हाला मान्य नाही. हा केवळ एक प्रसंग नसून त्यांच्या विचारधारेचे प्रतीक आहे. आमचा लढा त्यांच्या विचारधारेविरोधात आहे.”