Pune Crime : धनकवडीतील दहीहंडी उत्सवात अश्लील नृत्य प्रकार

Pune News पुणे: पुण्यातील धनकवडी परिसरातील तीन हत्ती चौक येथे दहीहंडी उत्सवाच्या नावाखाली सार्वजनिक ठिकाणी अश्लील गाण्यांवर अश्लील नृत्य सादर केल्याप्रकरणी सहकारनगर पोलीस ठाण्यात सात जणांविरोधात गुन्हा दाखल करण्यात आला आहे. या कारवाईमुळे परिसरातील गणेशोत्सव व दहीहंडी आयोजकांमध्ये खळबळ उडाली आहे.https://maharashtramirror.com/ Pune crime

मिळालेल्या माहितीनुसार, ५ सप्टेंबर २०२६ रोजी रात्री ९:०० वाजताच्या सुमारास धनकवडीतील तीन हत्ती चौक येथे 'अष्टविनायक मित्र मंडळ' यांच्या वतीने दहीहंडी उत्सव व सांस्कृतिक कार्यक्रमाचे आयोजन करण्यात आले होते. या कार्यक्रमात महाराष्ट्राची लोककला व सांस्कृतिक परंपरांचा अवमान करत, धार्मिक कार्यक्रमाच्या मंचावर अश्लील गाणी वाजवून त्यावर नृत्यांगनांकडून अश्लील नृत्य सादर करण्यात आले.https://maharashtramirror.com/ Pune Crime

महाराष्ट्र शासनाच्या रंगभूमी प्रयोग परिनिरीक्षण मंडळ, मुंबई यांच्या नियमावलीनुसार तसेच पुणे शहर पोलीस प्रशासनाकडून अशा प्रकारच्या सार्वजनिक व धार्मिक कार्यक्रमांसाठी आवश्यक असणारी पूर्वपरवानगी आयोजकांनी घेतली नव्हती. तसेच, पुणे शहराचे अपर पोलीस आयुक्त (प्रशासन) यांनी जारी केलेल्या सार्वजनिक आदेशांचे उल्लंघन करण्यात आले.https://maharashtramirror.com/ Pune crime

याप्रकरणी सहकारनगर पोलीस ठाण्याचे पोलीस उपनिरीक्षक राहुल शेषेराव राठोड यांनी फिर्याद दिली आहे. त्यांच्या तक्रारीवरून अष्टविनायक मित्र मंडळाचे अध्यक्ष पवन सूर्यकांत डोंगरे (रा. चव्हाणनगर, धनकवडी) आणि उपाध्यक्ष सागर सोनवणे (रा. चव्हाणनगर, धनकवडी) यांच्यासह प्रसिद्ध लावणी नृत्यांगना निशा मुंबईकर आणि तिच्यासोबतच्या इतर चार अनोळखी महिला कलाकारांवर गुन्हा नोंदवण्यात आला आहे.

पोलीस प्रशासनाने भारतीय न्याय संहिता २०२३ मधील कलम २२३ (सरकारी आदेशाचे उल्लंघन), कलम २९६ (सार्वजनिक ठिकाणी अश्लील कृत्य/गाणी) आणि कलम ३(५) अंतर्गत ही कारवाई केली आहे. सदर घटनेचे सी.सी.टी.वी. फुटेज आणि ई-साक्ष पुरावे पोलिसांच्या हस्तगत झाले असून तपासात ते महत्त्वाचे पुरावे ठरणार आहेत.

सहकारनगर पोलीस ठाण्याचे वरिष्ठ पोलीस निरीक्षक विठ्ठल पवार, पोलीस निरीक्षक (गुन्हे) राजेश खांडेव आणि पोलीस निरीक्षक (गुन्हे) संजय तोटेवाड यांच्या मार्गदर्शनाखाली सहायक पोलीस निरीक्षक सोनाली मिठारे या प्रकरणाचा पुढील तपास करत आहेत. सार्वजनिक व धार्मिक उत्सवांचे औचित्य साधून अश्लीलतेचा प्रसार करणाऱ्यांविरोधात कडक कारवाई केली जाईल, असा इशारा पोलीस प्रशासनाने दिला आहे.