CM Eknath Shinde : मुख्यमंत्री एकनाथ शिंदे यांनी महिलांना दिली आणखी एक भेट, त्यांना मिळणार इतके सिलिंडर मोफत

CM Eknath Shinde Ladki Bhain Yojna : लाडकी बहिण योजनेनंतर शिंदे सरकार महिलांना आणखी एक भेट देणार आहे. आता महिलांना तीन गॅस सिलिंडर मोफत दिले जाणार आहेत.

मुंबई :- महायुती सरकारने नुकतीच आपल्या बजेटमध्ये मुख्यमंत्री लाडकी बहिण योजना Ladki Bhain Yojna (मुख्यमंत्री माझी लाडकी बहिण योजना) CM Eknath Shinde जाहीर केली आहे, जी 21 ते 65 वर्षे वयोगटातील महिलांसाठी आहे. या योजनेअंतर्गत पात्र महिलांना दरमहा 1500 रुपयांची आर्थिक मदत मिळणार आहे. महिलांसाठी हा मोठा दिलासा असून, आता सरकारने त्यांच्यासाठी आणखी एक आनंदाची बातमी दिली आहे.

'लाडकी बहीण योजने'च्या लाभार्थ्यांनाही समाविष्ट करण्यासाठी सरकारने मुख्यमंत्री अन्नपूर्णा योजनेचा विस्तार करण्याचा निर्णय घेतला आहे. या नवीन उपक्रमांतर्गत या लाभार्थ्यांना दरवर्षी तीन मोफत गॅस सिलिंडर दिले जाणार आहेत. याबाबत लवकरच अधिकृत आदेश काढण्यात येणार आहे. अन्न व नागरी पुरवठा विभागानेही ही योजना राबविण्याची तयारी सुरू केली आहे. आगामी विधानसभा निवडणुका डोळ्यासमोर ठेवून हा निर्णय महत्त्वाचा मानला जात आहे.

अर्थमंत्री अजित पवार यांनी अर्थसंकल्पात मुख्यमंत्री अन्नपूर्णा योजनेची घोषणा केली होती, ज्याअंतर्गत पात्र कुटुंबांना दरवर्षी तीन मोफत सिलिंडर मिळणार आहेत. या योजनेचा लाभ राज्यातील 52 लाख 16 हजार 412 कुटुंबांना मिळणार असून, त्यांच्या आरोग्यावर कोणताही विपरीत परिणाम होऊ नये, यासाठी त्यांना स्वच्छ इंधन उपलब्ध करून देता येईल, असे ते म्हणाले.

अजित पवार यांच्या अर्थसंकल्पानंतर अन्न व नागरी पुरवठा विभागाने मंत्रिमंडळासमोर प्रस्ताव मांडला, ज्यामध्ये लाडक्या बहिणींना वर्षातून तीन मोफत गॅस सिलिंडर देण्याचे सांगण्यात आले होते. उज्ज्वला योजनेत केंद्र सरकार प्रति सिलेंडर 300 रुपये अनुदान देते आणि गॅस सिलेंडरची सरासरी किंमत 830 रुपये आहे. अशा प्रकारे, प्रत्येक लाभार्थ्याला 530 रुपये प्रति सिलिंडर दराने तीन मोफत सिलिंडर दिले जातील.या योजनेचा फायदा विधानसभा निवडणुकीत महायुती सरकारला होण्याची शक्यता असली तरी त्यामुळे सरकारी तिजोरीवर अतिरिक्त बोजा पडू शकतो.

हेही वाचा: Mira Road Sex Racket : सेक्स रॅकेटचा पर्दाफाश, दोघींची सुटका, एजंट अटकेत