Thane Bribe News : ठाणे महापालिकेत महाभ्रष्टाचाराचा स्फोट – उपायुक्त शंकर पाटोळे ३५ लाखांची लाच घेताना रंगेहात ताब्यात!
ठाणे :- ठाणे महानगरपालिकेच्या कारभाराला पुन्हा एकदा काळिमा फासणारी घटना समोर आली आहे.
1 min read
ठाणे :- ठाणे महानगरपालिकेच्या कारभाराला पुन्हा एकदा काळिमा फासणारी घटना समोर आली आहे. अतिक्रमण विभागाचे उपायुक्त शंकर पाटोळे हे तब्बल ३५ लाखांची जाडी लाच घेताना एसीबीच्या पथकाच्या जाळ्यात अडकले!
"३५ लाखांची जाडी लाच – उपायुक्त केबिनमधून थेट हवालदारांच्या ताब्यात!"
काय घडलं?
पाटोळे यांनी यापूर्वीच डेव्हलपर अभिराज बिल्डर्सचे मालक अभिजित कदम यांच्याकडून १० लाख रुपये खिशात घातले होते.
बुधवारी मात्र त्यांनी २५ लाखांची दुसरी हप्त्याची जाडी रक्कम स्वीकारली.
नेमकं त्याच वेळी भ्रष्टाचारविरोधी विभागाने (ACB) त्यांच्या केबिनवर धाड टाकत थेट हातात रंगेहात पकडलं.
"अतिक्रमण विभागाचा भ्रष्टाचार उघड – पाटोळेंचा पैसा खेळ बुडाला!"
वेळ आणि ठिकाण
संध्याकाळी ६.५० वा. एसीबीचं पथक पाटोळेंच्या केबिनमध्ये शिरलं आणि तिथेच लाखोंच्या नोटांचा खेळ उघड झाला.
अधिकाऱ्यांनी तातडीने तपास सुरू केला असून संपूर्ण व्यवहाराची चौकशी धगधगत्या टप्प्यात आहे.
"लाचखोरीतून ‘अधिकारी ते दलाल’ – ठाणे महापालिका पुन्हा चर्चेत!"
महापालिका हादरली!
या कारवाईनंतर ठाणे महापालिका प्रशासनात अक्षरशः खळबळ माजली आहे. शहरातील अतिक्रमण विभागातील कारभार किती खोलवर गंडला आहे याचा ठळक पुरावा या कारवाईतून समोर आला आहे.
