Pune Kondhwa Murder News : पुण्याच्या कोंढव्यातील घटना,दारू पिताना झालेल्या वादातून तरुणाची हत्या
Pune Kondhwa Murder News : कोंढवा भागात सोमवार 27 जानेवारी रोजी दारू पिताना झालेल्या वादातून तरुणाच्या डोक्यात सिमेंटचा ब्लॉक घालून खून करण्यात आल्याची घटना समोर आली आहे
पुणे :- दारू पिताना झालेल्या वादातून तरुणाच्या डोक्यात सिमेंटचा ब्लॉक घालून खून करण्यात आल्याची घटना कोंढवा भागात 27 जानेवारी दरम्यान घडली होती. Pune Kondhwa Murder News याप्रकरणी पोलिसांनी दोघांना अटक केली. मल्लेश कुपिंद्र कोळी (वय 32, रा. गोकुळगनर, कोंढवा) असे खून झालेल्याचे नाव आहे. याप्रकरणी बारिश उर्फ बाऱ्या संजय खुडे (वय 21, रा. भैरवनाथ मंदिराजवळ, कोंढवा खुर्द), आकाश सुभाष मानकर (वय 23, रा. आर. के. काॅलनी, गोकुळनगर, कोंढवा) यांना अटक करण्यात आली आहे.पोलीस अंमलदार विशाल मेमाणे व सुजित मदन यांना त्यांच्या बातमीदारांमार्फत माहिती मिळाली होती.दोन्ही आरोपी हे टिळेकरनगर, पाण्याच्या टाकीजवळ आहे. पोलिसांनी दोघांना पळुन जाण्याच्या तयारीत असताना ताब्यात घेतले आहे.
पोलिसांनी दिलेल्या माहितीनुसार, मल्लेश कोळी आणि आरोपी बारिश खुडे, आकाश मानकर ओळखीचे आहे. 27 जानेवारीला दुपारच्या सुमारास कोंढव्यातील दशक्रिया विधी घाटावर तिघे जण दारू पित होते. दारू पिताना त्यांच्यात वाद झाला. वादातून दोघांनी मल्लेशला काठीने बेदम मारहाण केली. त्याच्या डोक्यात सिमेंटचा ब्लॉक घातला. मारहाणीत मल्लेश गंभीर जखमी झाला. आरोपी तेथून पसार झाले. घाटावर जखमी अवस्थेत पडलेल्या मल्लेशला नागरिकांनी पाहिले.या घटनेची माहिती कोंढवा पोलिसांना कळविण्यात आली. त्याला तातडीने रुग्णालयात दाखल करण्यात आले. उपचारांपूर्वीच त्याचा मृत्यू झाला होता. या घटनेची माहिती मिळताच सहायक पोलीस आयुक्त धन्यकुमार गोडसे, कोंढवा पोलीस ठाण्याचे वरिष्ठ पोलीस निरीक्षक विनय पाटणकर यांनी घटनास्थळी धाव घेतली. याप्रकरणी पोलिसांनी आरोपी खुडे आणि मानकर यांना अटक केली. दोघांविरुद्ध कोंढवा पोलीस ठाण्यात खुनाचा गुन्हा दाखल करण्यात आला असून, पोलीस उपनिरीक्षक रविंद्र गावडे तपास करत आहेत.
पोलीस पथक
अपर पोलीस आयुक्त पुर्व प्रादेशिक विभाग, पुणे शहर मनोज पाटील, मा. पोलीस उप-आयुक्त परिमंडळ-5 पुणे डॉ.राजकुमार शिंदे, सहाय्यक पोलीस आयुक्त वानवडी विभाग, पुणे धन्यकुमार गोडसे, वरिष्ठ पोलीस निरीक्षक विनय पाटणकर, पोलीस निरीक्षक (गुन्हे) अब्दुल रौफ शेख, यांचे मार्गदर्शनाखाली कोंढवा पोलीस स्टेशन येथील तपास पथकाचे पोलीस उपनिरीक्षक बालाजी डिगोळे, पोलीस अंमलदार सतिश चव्हाण, निलेश देसाई, विशाल मेमाणे, गोरखनाथ चिनके, शाहिद शेख, लक्ष्मण होळकर, संतोष बनसुडे, सुरज शुक्ला, सुजित मदन, सागर भोसले यांनी केली आहे.
