Sanjay Nirupam : भाजप प्रमुखांनी काँग्रेस नेते संजय निरुपम यांना दिली ऑफर, म्हणाले- 'इतकंच सांगेन…'

•महाविकास आघाडीमधील जागावाटपाच्या माहितीवरुन मुंबई उत्तर पश्चिमची जागा काँग्रेसच्या हातून निसटू शकते, ही संजय निरुपम यांच्यासाठी निराशाजनक बाब आहे.

मुंबई :- भाजपला संजय निरुपम Sanjay Nirupam यांना आपल्या कडे घ्यायचे आहे का? भाजपचे प्रदेशाध्यक्ष चंद्रशेखर बावनकुळे यांनी शुक्रवारी विधान केल्याने ही चर्चा अचानक सुरू झाली. बावनकुळे म्हणाले की, उत्तर भारतीयांमध्ये संजय निरुपम यांचे चांगले नाव आहे. ते अजून माझ्याशी बोलले नाहीत पण मी सांगू इच्छितो की मोदींच्या कार्याने कोणी प्रभावित झाले असेल तर भाजप त्यांच्यासारख्या लोकांसाठी सदैव तयार आहे.

पश्चिम मुंबई लोकसभा जागेसाठी काँग्रेसने दावा सोडला असताना भाजपकडून ही खुली ऑफर देण्यात आली आहे. या जागेवरून संजय निरुपम यांना लोकसभा निवडणूक लढवायची होती, अशी माहिती सूत्रांनी दिली आहे. हा निर्णय संजय निरुपम यांच्यासाठी धक्का मानला जात आहे. संजय निरुपम उत्तर मुंबईतून खासदार आहेत. मात्र, 2014 च्या निवडणुकीत त्यांना भाजपच्या गोपाळ शेट्टी यांच्याकडून पराभव स्वीकारावा लागला होता.

शिंदे गटाकडे मुंबई पश्चिमची जागा एकनाथ शिंदे यांच्या गटातील शिवसेनेचे गजानन कीर्तिकर हे मुंबई पश्चिम मतदारसंघातून खासदार आहेत, जिथून त्यांना निवडणूक लढवायची आहे. महाराष्ट्रात लोकसभेच्या सहा जागा आहेत. महाविकास आघाडीमध्ये ठरलेल्या फॉर्म्युल्यानुसार शिवसेना- ठाकरे गट चार तर काँग्रेस दोन जागांवर लढणार असल्याचे मानले जात आहे. या कारणास्तव काँग्रेस या जागेवरून आपला दावा मागे घेत आहे.