Mumbai News : महागाई अन् जागतिक अस्थिरतेचा दणका; चार वर्षांनंतर आरबीआयने वाढवला रेपो रेट, गृह आणि वाहन कर्जाचे 'ईएमआय' वाढणार!'

Mumbai News : मुंबई :- गेल्या काही दिवसांपासून जागतिक पातळीवर निर्माण झालेली राजकीय व आर्थिक अस्थिरता, सतत वाढणारी महागाई आणि भारतीय भांडवली बाजारात (शेअर मार्केट) सुरू असलेली मोठी पडझड या पार्श्वभूमीवर भारतीय रिझर्व्ह बँकेने (RBI) अत्यंत महत्त्वाचा आणि मोठा निर्णय घेतला आहे. रिझर्व्ह बँकेचे गव्हर्नर संजय मल्होत्रा यांनी बुधवारी पतधोरण समितीच्या (MPC) द्वैमासिक बैठकीनंतर 'रेपो रेट'मध्ये (Repo Rate) थेट 25 बेसिस पॉईंटची (0.25 टक्के) वाढ करत असल्याची अधिकृत घोषणा केली.या वाढीमुळे रिझर्व्ह बँकेचा रेपो रेट आता 5.25 टक्क्यांवरून 5.50 टक्क्यांवर पोहोचला आहे. गेल्या चार वर्षांमध्ये आरबीआयने रेपो रेटमध्ये वाढ करण्याची ही पहिलीच वेळ असून, या निर्णयाचा थेट आणि मोठा फटका सर्वसामान्य कर्जदारांना बसणार आहे.https://maharashtramirror.com/ Mumbai News

'गृहकर्ज, वाहन कर्ज अन् पर्सनल लोन महागणार; ईएमआय वाढण्याची शक्यता'

रिझर्व्ह बँकेने रेपो रेट वाढवल्यामुळे आता व्यावसायिक आणि राष्ट्रीयीकृत बँकांना आरबीआयकडून मिळणारे कर्ज महाग झाले आहे. परिणामी, बँकांकडून लवकरच गृहकर्ज (Home Loan), वाहन कर्ज (Auto Loan) आणि वैयक्तिक कर्जाच्या (Personal Loan) व्याजदरात मोठी वाढ केली जाण्याची शक्यता आहे.ज्या नागरिकांनी आधीच फ्लोटिंग व्याजदरावर गृहकर्ज किंवा इतर कर्जे घेतली आहेत, त्यांच्या मासिक हप्त्यांमध्ये (EMI) वाढ होणार असून नव्या कर्जदारांनाही आता अधिक व्याजाने कर्ज घ्यावे लागणार आहे.https://maharashtramirror.com/ Mumbai News

'फेब्रुवारी 2025 नंतरचे धोरण बदलले; चार वर्षांनंतर पहिलाच झटका'

आरबीआयच्या या निर्णयाचे बहुतांश अर्थतज्ज्ञांनी आधीच अंदाज वर्तवले होते. यापूर्वी फेब्रुवारी 2023 मध्ये आरबीआयने रेपो रेट 6.50 टक्के केला होता, जो 2023-24 या आर्थिक वर्षात स्थिर राहिला. त्यानंतर फेब्रुवारी 2025 पासून आरबीआयने नरमाईचे धोरण स्वीकारत रेपो रेट सातत्याने कमी करत तो 5.25 टक्क्यांपर्यंत खाली आणला होता. मात्र, महागाईवर नियंत्रण मिळवण्यासाठी रिझर्व्ह बँकेला अखेर चार वर्षांनंतर पुन्हा एकदा रेपो रेट वाढवण्याचा कठोर निर्णय घ्यावा लागला आहे.