PUNE NEWS : वृक्ष संवर्धनासाठी सात नगरसेवकांची निवड
पुणे, महाराष्ट्र मिरर, PUNE NEWS : महापालिकेकडून शहरातील वृक्षांचे संवर्धन करण्यासाठी न्यायालयाच्या आदेशानुसार स्थापन करण्यात आलेल्या वृक्ष संरक्षण आणि संवर्धन प्राधिकरण समितीवर सात नगरसेवकांची निवड करण्यात आली आहे.PUNE NEWS
1 मिनिट वाचन
पुणे, महाराष्ट्र मिरर, PUNE NEWS : महापालिकेकडून शहरातील वृक्षांचे संवर्धन करण्यासाठी न्यायालयाच्या आदेशानुसार स्थापन करण्यात आलेल्या वृक्ष संरक्षण आणि संवर्धन प्राधिकरण समितीवर सात नगरसेवकांची निवड करण्यात आली आहे.PUNE NEWS
महापालिकेत मंगळवारी झालेल्या सर्वसाधारण सभेमध्ये वृक्ष संरक्षण व संवर्धन प्राधिकरण समितीच्या सदस्यपदी नगरसेवकांची निवड करण्याची प्रक्रिया पार पडली. त्यामध्ये नगरसेवक शैलजित बनसोडे, विशाल मलके, नगरसेविका रूपाली पवार, कोमल नवले, स्नेहा कांबळे, उज्ज्वला जंगले, अंजली ओरसे यांची सदस्यपदी निवड करण्यात आली. या समितीमध्ये १५ सदस्य आहेत. त्यामध्ये महापालिका आयुक्त, सात लोकप्रतिनिधी व सात स्वयंसेवी संस्थांचे प्रतिनिधींचा समावेश आहे.PUNE NEWS
शहरातील वृक्षांचे संवर्धन करण्याऐवजी विविध प्रकल्पांसाठी हजारो वृक्षांची कत्तल करण्यास परवानगी देण्याच्या निर्णयामुळे महापालिकेच्या वृक्ष प्राधिकरण समितीवर मोठ्या प्रमाणात टीका झाली होती. त्यानंतर, सर्वसाधारण सभेमध्ये वृक्ष प्राधिकरण समितीसाठी सात नगरसेवकांची सदस्यपदी निवड करण्यात आली.PUNE NEWS
मागील महापालिकेची मुदत १४ मार्च २०२२ मध्ये संपल्याने तत्कालीन वृक्ष संवर्धन समिती बरखास्त करण्यात आली होती. दरम्यान, महापालिका आयुक्तांवर या समितीची जबाबदारी आली होती. याच कालावधीत शहरातील वृक्ष संवर्धनास बळ देण्याऐवजी हजारो वृक्ष तोडण्यास परवानगी देण्यात आली होती. त्यावरून शहरातील पर्यावरण प्रेमी, पर्यावरण तज्ज्ञांकडून महापालिका प्रशासनावर मोठ्या प्रमाणात टीका करण्यात आली होती. त्यानंतर संबंधित समितीच्या सदस्यपदी नगरसेवकांची नियुक्ती करण्याची मागणी नागरिक व विरोधी पक्षांकडून केली जात होती. त्यानुसार ही निवड करण्यात आली.PUNE NEWS
ताराचंद रूग्णालयाच्या नियामक मंडळावर नगरसेवक नियुक्त
रास्ता पेठेतील शेठ ताराचंद रामनाथ धर्मार्थ आयुर्वेदीक रुग्णालयाच्या नियामक मंडळावर महापालिकेच्या चार नगरसेवकांची निवड करण्यात आली. त्यामध्ये सभागृहनेते गणेश बिडकर, नगरसेवक तेवेंद्र वडके, नगरसेविका कल्पना बहिरट आणि नगरसेविका अर्चना यादव यांची निवड करण्यात आली आहे.
PUNE NEWS
