Mumbai Breaking News : आई रस्त्यावर भाजी विकते, मुलगा CA ची परीक्षा उत्तीर्ण, व्हायरल व्हिडिओ

Mumbai Breaking News : सीए फायनल 2024 चा निकाल जाहीर झाला आहे. डोंबिवली येथे राहणारा योगेशही ही परीक्षा उत्तीर्ण झाला आहे. त्याची आई रस्त्यावर भाजी विकण्याचे काम करते.

डोंबिवली :- भाजी विक्रेत्याचा मुलगा सीए (चार्टर्ड अकाउंटंट) परीक्षा उत्तीर्ण झाला आहे. ही बातमी कळताच त्याची आई खूप भावूक झाली आणि तिच्या या भावनिक प्रतिक्रियेचा व्हिडिओ सोशल मीडियावर व्हायरल झाला आहे.सीएची परीक्षा उत्तीर्ण झाल्याची माहिती देण्यासाठी मुलगा आईकडे गेला असता, ती रस्त्यावर भाजी विकत होती. मुलगा आता सीए झाल्याचे आईला सांगताच आईच्या डोळ्यातून आनंदाश्रू वाहू लागले. रडलेल्या डोळ्यांनी आईने मुलाला मिठी मारली.

योगेशने सीए होण्याचे स्वप्न उराशी बाळगून मेहनत केली. तो म्हणाला, "मी निकालाची आतुरतेने वाट पाहत होतो. निकाल आल्यावर मला खूप आनंद झाला. नेहमीप्रमाणे भाजी विकणाऱ्या माझ्या आईला मी लगेच आनंदाची बातमी द्यायला गेलो. मी तिला मिठी मारली आणि मित्रांनी हा संपूर्ण क्षण टिपला. त्यांच्या मोबाईलवर हा व्हिडिओ सोशल मीडियावर व्हायरल होईल हे मला माहीत नव्हते.

उपमुख्यमंत्री देवेंद्र फडणवीस आणि मंत्री रवींद्र चव्हाण यांनीही योगेशचे अभिनंदन केले. योगेशची आई जिथे भाजी विकते, तिथे तिच्या अभिनंदनासाठी मोठ्या संख्येने लोक आले होते.जिद्द, मेहनत आणि काहीतरी मिळवण्याच्या ध्यासाच्या जोरावर योगेशने आईच्या मेहनतीला यश मिळवून दिले आहे. सीए झाल्यानंतर योगेशने पहिली भेट म्हणून आईला साडी भेट दिली. हे दृश्य पाहून आजूबाजूच्या नागरिकांचेही डोळे ओलावले.

योगेश डोंबिवलीजवळील खोणी गावात राहतो आणि त्याची आई नीरा डोंबिवलीतील गांधीनगर भागात भाजीचा व्यवसाय करते. गेल्या 22 ते 25 वर्षांपासून त्या भाजीपाला विकत आहेत. विशेष म्हणजे केवळ दोनशे रुपये कर्ज घेऊन त्यांनी हा व्यवसाय सुरू केला.

हेही वाचा: NCP News : राष्ट्रवादी काँग्रेस पक्षाचे नाव आणि चिन्ह यांचे सर्वोच्च न्यायालयात सुनावणी