Mumbai News : गर्भलिंग निदान करणाऱ्या डॉक्टरांवर मोक्का; हिवाळी अधिवेशनात कायद्यात सुधारणा

Mumbai News :मुंबई : प्रसूतीपूर्व गर्भलिंग निदान करून स्त्री भ्रूणहत्या करणाऱ्या डॉक्टरांवर कठोर कारवाई करण्यासाठी पीसीपीएनडीटी कायद्यात मोठे बदल करण्याची तयारी राज्य सरकारने केली आहे. यासाठी येत्या हिवाळी अधिवेशनात कायद्यात सुधारणा करणारे विधेयक मांडण्यात येणार असल्याची माहिती आरोग्यमंत्री प्रकाश आबिटकर यांनी दिली.https://maharashtramirror.com/ Mumbai news
गर्भधारणापूर्व व प्रसूतीपूर्व निदानतंत्रे (लिंग निवडीस प्रतिबंध) कायदा, १९९४ आणि २००३ मधील तरतुदींमध्ये सुधारणा करण्याची गरज असल्याचे आबिटकर यांनी सांगितले. गर्भलिंग निदान करणाऱ्या डॉक्टरांवर अधिक कठोर कलमे लावण्यासोबतच, गंभीर आणि वारंवार गुन्हे करणाऱ्यांवर मोक्का कायद्यांतर्गत कारवाई करण्याची तरतूद करण्याबाबतही विचार सुरू आहे.https://maharashtramirror.com/ Mumbai news
गुन्हे सिद्धतेची प्रक्रिया होणार अधिक प्रभावी
अशा प्रकरणांमध्ये गुन्हे सिद्ध होण्याची प्रक्रिया सुलभ करण्यासह शिक्षेच्या तरतुदींमध्येही बदल करण्याचा सरकारचा प्रयत्न आहे. कायद्याची प्रभावी अंमलबजावणी करून स्त्री भ्रूणहत्या रोखणे हा या सुधारणांचा मुख्य उद्देश आहे.
या संदर्भात स्थापन करण्यात आलेल्या राज्यस्तरीय कृती दलाची पहिली बैठक आरोग्यमंत्री प्रकाश आबिटकर यांच्या अध्यक्षतेखाली मंत्रालयात झाली. बैठकीत बेकायदेशीर गर्भलिंग निदान करणाऱ्या डॉक्टरांवर कठोर कारवाई करण्याबरोबरच बोगस डॉक्टरांची यादी तयार करून ती प्रसिद्ध करण्याबाबतही चर्चा झाली.
बेकायदेशीर सोनोग्राफी मशीनच्या विक्रीवर नियंत्रण आणणे आणि जनजागृतीसाठी विशेष कार्यशाळा घेण्याचेही निर्देश देण्यात आले आहेत. जिल्हास्तरावर या उपाययोजनांची प्रभावी अंमलबजावणी करण्यासाठी विशेष पथके नेमण्याचा निर्णयही बैठकीत घेण्यात आला.
स्त्री भ्रूणहत्या रोखण्यासाठी विद्यमान कायदा अधिक कठोर करण्याच्या दिशेने राज्य सरकारने हे महत्त्वाचे पाऊल उचलले आहे.