Delhi News : सीजेपी नेता अभिजीत दिपकेंना दिल्ली पोलिसांकडून पुन्हा ताब्यात! 'लहरा दो तिरंगा' रॅलीपूर्वी घडामोडींना वेग

Delhi News :नवी दिल्ली :- मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी आणि विविध मुद्द्यांवर आक्रमक भूमिका घेतलेल्या 'कॉकरोच जनता पार्टी' (CJP) पक्षाचे नेते अभिजीत दिपके यांच्या अडचणीत वाढ झाली आहे. सीजेपीच्या वतीने आयोजित करण्यात आलेल्या 'लहरा दो तिरंगा' रॅली आणि आंदोलनापूर्वीच दिल्ली पोलिसांनी पुन्हा एकदा मोठी कारवाई करत अभिजीत दिपके यांना ताब्यात घेतले आहे. या अचानक झालेल्या कारवाईमुळे दिल्लीसह राष्ट्रीय राजकारणात मोठी खळबळ उडाली आहे.https://maharashtramirror.com/Delhi News

मिळालेल्या सविस्तर माहितीनुसार, मुख्य निवडणूक आयुक्तांच्या विरोधात आणि निवडणुकांमधील पारदर्शकतेच्या मुद्द्यावर CJP कडून दिल्लीमध्ये भव्य 'लहरा दो तिरंगा' रॅली काढण्यात येणार होती. या आंदोलनाचे नेतृत्व करणारे सीजेपीचे प्रमुख अभिजीत दिपके यांच्या घरी आणि परिसरात दिल्ली पोलिसांचे पथक दाखल झाले होते. कायदा व सुव्यवस्थेचा प्रश्न निर्माण होऊ नये आंदोलनासाठी परवानगी नाकारण्यात आल्याने पोलिसांनी सुरक्षेचा उपाय म्हणून दिपकेंना ताब्यात घेतले. याआधीही विमानतळावर आणि आंदोलनादरम्यान त्यांना व त्यांच्या सहकाऱ्यांना पोलिसांनी रोखल्याच्या घटना घडल्या होत्या.https://maharashtramirror.com/Delhi News

पोलिसांच्या या दडपशाहीवर तीव्र संताप व्यक्त करत CJP च्या कार्यकर्त्यांनी आणि नेत्यांनी सरकारविरोधी घोषणाबाजी केली आहे. नेत्यांना कितीही ताब्यात घेतले तरी देशभरातील लोकशाहीप्रेमी नागरिक आणि तरुणांचा आवाज दाबला जाणार नाही, असा पवित्रा संघटनेने घेतला आहे. एका बाजूला सर्वोच्च न्यायालयात कायदेशीर लढा सुरू असताना आणि दुसऱ्या बाजूला रस्त्यावर आंदोलनाची हाक दिली असताना, पोलिसांच्या या धडक कारवाईमुळे राजधानी दिल्लीतील वातावरण चांगलेच तापले असून आगामी काळात याचे पडसाद उमटण्याची शक्यता वर्तवली जात आहे.