Gjya Marne | धक्कादायक ! गजा मारणे सोबत पोलीसांची मटण पार्टी : पोलीस आयुक्त अमितेश कुमार यांनी केले चौघांना निलंबित
पोलीस आयुक्तांची कठोर भूमिका
1 मिनट पठन
पुणे, दि. १४ मे, महाराष्ट्र मिरर : मुबारक जिनेरी
पुण्यातील कुप्रसिद्ध गुंड गजानन मारणे उर्फ गजा मारणे Gjya Marne याच्या सोबत मटण पार्टी करणे पोलिसांना चांगलेच भोवले आहे. पुणे पोलीस आयुक्त अमितेश कुमार यांनी ढाब्यावरील सीसीटीव्ही फुटेज पाहून थेट पोलीस अधिकाऱ्यासह चौघांविरुद्ध निलंबनाची कारवाई केली आहे. Pune Crime News
पुण्याहून सांगली कारागृहात गजा मारणे याला पोलीस बंदोबस्तात घेऊन जात असताना कणसे ढाब्यावर मटण पार्टी झाल्याचा धक्कादायक प्रकार समोर आला आहे. यानिमित्ताने पुन्हा पोलीस आणि गुन्हेगार यांच्यातील साटेलोटे चव्हाट्यावर आले आहे. या घटनेची गंभीर दखल घेत पोलीस आयुक्त अमितेश कुमार यांनी सहायक पोलिस निरीक्षक सुरज राजगुरु, पोलिस हवालदार महेश बामगुडे, सचिन मेमाणे, रमेश मेमाणे आणि पोलिस शिपाई राहुल परदेशी यांना निलंबित केले.
पोलीस संरक्षणात मारणे यास सांगलीला नेत असताना 'कनसे ढाब्या'वर पोलिसांनी मटण पार्टी केली होती. याची माहिती पोलीस आयुक्त अमितेश कुमार यांना लागल्यानंतर त्यांनी सीसीटीव्ही पाहणी केली. यानंतर सगळा प्रकार समोर आला. गजा मारणेला भेटायला दोन फॉर्च्युनर आणि एक थार गाडीतून भेटायला आलेल्या तिघांवर देखील गुन्हा दाखल केला आहे. Pune Crime News
हेही वाचा: Deepak Mankar | दीपक मानकर यांच्याकडून शहर अध्यक्ष पदाचा राजीनामा !