Unmesh Patil Breaking News : भाजपला मोठा झटका, खासदार उन्मेश पाटील आज उद्धव ठाकरे गटात जाणार?
•Unmesh Patil Breaking News लोकसभा निवडणुकीपूर्वी (Loksabha Election 2024) महाराष्ट्रात भाजपला मोठा धक्का बसला आहे. आज खासदार उन्मेश पाटील शिवसेनेत प्रवेश करणार आहेत.
मुंबई :- लोकसभा निवडणुकीपूर्वी भाजपला मोठा धक्का बसला आहे. जळगावचे भाजप खासदार उन्मेष पाटील Unmesh Patil Breaking News आज शिवसेना उद्धव बाळासाहेब ठाकरे गटाचे प्रमुख उद्धव ठाकरे यांच्या उपस्थितीत ठाकरे गटात सामील होणार आहेत. अशी माहिती शिवसेनेचे खासदार संजय राऊत यांनी दिली आहे.
संजय राऊत यांनी ‘एक्स’वर लिहिले, ‘जळगावचे विद्यमान खासदार उन्मेष पाटील आणि माजी महापौर करण पवार आज मातोश्रीवर शिवसेना पक्षप्रमुख उद्धव ठाकरे यांच्या उपस्थितीत शिवसेना परिवारात प्रवेश करत आहेत. दुपारी 12 वाजता ते शिवसेनेत (ठाकरे गटात) प्रवेश करणार आहेत.
तिकीट रद्द झाल्याने भाजपचे खासदार उन्मेश पाटील Unmesh Patil Breaking News संतप्त झाल्याचे बोलले जात आहे. पाटील यांनी काल मातोश्रीवर जाऊन उद्धव ठाकरे यांची भेट घेतली होती. याआधी त्यांनी खासदार संजय राऊत यांचीही भेट घेतली होती. जळगावचे विद्यमान खासदार उन्मेष पाटील यांच्या जागी भाजपने स्मिता वाघ यांना तिकीट दिले आहे. काल उद्धव ठाकरे यांची भेट घेतल्यानंतर उन्मेष पाटील यांनी उद्या सविस्तर निर्णय सांगू असे सांगितले होते.
एकीकडे तिकीट नाकारलेले भाजपचे खासदार शिवसेना ठाकरे गटात दाखल झाल्याची चर्चा आहे, तर दुसरीकडे एकनाथ खडसे यांच्या भाजप प्रवेशाची चर्चा आहे. जळगाव जिल्ह्याच्या राजकारणात मोठी खळबळ उडाली आहे.
दरम्यान, त्यांचे प्रतिस्पर्धी मानले जाणारे आमदार मंगेश चव्हाण यांनी भाजपचे खासदार उन्मेष पाटील हे शिवसेनेच्या (ठाकरे) गटात जाणार नसल्याचे सांगितले. जळगाव लोकसभा मतदारसंघातून तिकीट नाकारण्यात आल्यानंतर उन्मेष पाटील यांनी भाजपसोबत राहणार असल्याचे सांगितले होते, कदाचित तेच सांगण्यासाठी ते मातोश्रीवर गेले असावेत, यावर आमदार मंगेश चव्हाण यांनी प्रतिक्रिया दिली आहे.उद्धव ठाकरे यांनी अद्याप जळगावमधून एकही उमेदवार उभा केलेला नाही. शिवसेनेच्या (ठाकरे) वतीने उद्धव ठाकरे त्यांना येथून उमेदवारी देऊ शकतात, असेही बोलले जात आहे.
