Mumbai Crime : मिठी नदी गाळ उपसा प्रकरणात आठ तासांच्या चौकशीनंतर कारवाई
Mumbai Crime :मुंबई: अभिनेता दीनो मोरियाला मिठी नदी गाळ उपसा गैरव्यवहार प्रकरणात मुंबई पोलिसांच्या आर्थिक गुन्हे शाखेने अटक केली आहे. आज (२ ऑक्टोबर) रोजी सकाळपासून दीनो मोरियाची आर्थिक गुन्हे शाखे (इओडब्ल्यू) कडून चौकशी सुरू होती. तब्बल आठ तासांच्या चौकशीनंतर त्याच्यावर अटकेची कारवाई करण्यात आली. अटकेनंतर दीनो मोरियाला पुढील चौकशीसाठी मुंबई पोलीस आयुक्तालयात आणण्यात आले.https://maharashtramirror.com/ Mumbai Crime
याआधीही झाली होती चौकशी
मिठी नदी गाळ उपसा गैरव्यवहार प्रकरणात दीनो मोरियाचे नाव याआधीही समोर आले होते. या प्रकरणातील आरोपी केतन कदम याच्या कॉल रेकॉर्डची तपासणी करताना दीनो मोरिया आणि त्याचा भाऊ सँटिनो मोरिया यांच्याशी झालेल्या फोनवरील संभाषणाची माहिती तपास यंत्रणांच्या हाती लागली होती. https://maharashtramirror.com/ Mumbai crime
याच प्रकरणात दीनो मोरिया आणि सँटिनो मोरिया यांची यापूर्वीही आर्थिक गुन्हे शाखेकडून चौकशी करण्यात आली होती. मे २०२५ मध्ये दोघांची चौकशी झाल्याचं वृत्त आहे. केतन कदम आणि दीनो मोरिया यांच्यात केवळ फोनवरून संपर्क होता का, तसेच त्यांच्यात आर्थिक व्यवहार झाले होते का, याचाही तपास करण्यात येत होता.
ईडी कडूनही घरावर छापेमारी
या प्रकरणाच्या तपासादरम्यान ईडीकडून दीनो मोरियाच्या मुंबईतील घरावर छापेमारी करण्यात आली होती. मिठी नदी गाळ उपसा प्रकरणातील कथित आर्थिक गैरव्यवहाराच्या तपासाचा हा भाग होता.
मिठी नदी गैरव्यवहाराचं प्रकरण काय?
मुंबई महानगरपालिकेकडून मिठी नदीची साफसफाई आणि नदीतील गाळ काढण्यासाठी विशेष यंत्रसामग्रीचा वापर करण्यात आला होता. यासाठी ‘स्लज पुशर्स’ आणि ‘ड्रेजिंग मशीन्स’सारखी उपकरणं वापरण्यात आली. ही यंत्रं कोचीस्थित ‘मॅटप्रॉप टेक्निकल सर्व्हिसेस प्रायव्हेट लिमिटेड’ या कंपनीकडून घेण्यात आली होती.या कामाच्या कंत्राट प्रक्रियेत कथित गैरप्रकार झाल्याचा आरोप आहे. तपास यंत्रणांच्या म्हणण्यानुसार, केतन कदम आणि जय जोशी यांनी मॅटप्रॉप कंपनी तसेच महानगरपालिकेच्या स्टॉर्मवॉटर ड्रेन्स विभागातील काही अधिकाऱ्यांशी संगनमत केल्याचा संशय आहे.
बीएमसीला ६५ कोटींचं नुकसान?
या संपूर्ण प्रकरणात मुंबई महानगरपालिकेचं सुमारे ६५ कोटी रुपयांचं आर्थिक नुकसान झाल्याचा आरोप आहे. विशेष ड्रेजिंग उपकरणं भाड्यानं घेण्यासाठी करण्यात आलेल्या टेंडर प्रक्रियेत कथित छेडछाड करून ठराविक पुरवठादारांना फायदा मिळवून दिल्याचा तपास यंत्रणांचा संशय आहे. ABP माझाच्या वृत्तानुसारही हे प्रकरण BMCच्या कथित ६५ कोटी रुपयांच्या आर्थिक गैरव्यवहाराशी संबंधित आहे.
या प्रकरणातील आरोपी केतन कदम याच्या कॉल रेकॉर्डची तपासणी करताना दीनो मोरिया आणि त्याच्या भावाशी झालेल्या संपर्काची माहिती समोर आली. त्यानंतर दीनो मोरियाच्या या प्रकरणातील कथित संबंधांचा तपास सुरू करण्यात आला.मात्र, एखाद्या आरोपीशी फोनवर संपर्क असणं किंवा आर्थिक व्यवहाराचा संशय असणं म्हणजे संबंधित व्यक्तीचा गुन्ह्यातील सहभाग सिद्ध झाला, असं होत नाही. दीनो मोरियाची या प्रकरणातील नेमकी भूमिका काय आहे, याचा तपास सध्या मुंबई पोलिसांकडून केला जात आहे.
