Panvel News : लायन्स क्लब तर्फे फडके हायस्कूल शिरढोण येथे आरोग्य आणि नेत्र तपासणी शिबीर
पनवेल : लायन्स क्लब ऑफ पनवेल सरगम आणि रिजन 3 मधील सर्व क्लबच्या वतीने शिरढोण येथील वासुदेव बळवंत फडके हायस्कूल येथे भव्य आरोग्य आणि नेत्र तपासणी शिबीर आयोजित करण्यात आले होते.
या शिबिरासाठी प्रमुख पाहुणे म्हणुन प्रांतपाल एन आर परमेश्वरन तसेच विशेष अतिथी म्हणून विजय गणात्रा, ए एस एन मूर्ती उपस्थित होते. या शिबिराचा 315 विद्यार्थी, पालक आणि कर्मचारी यांनी लाभ घेतला. 22 जणांना चष्मे देण्यात आले. आरोग्य तपासणीसाठी अपोलो हॉस्पिटलची टीम तर नेत्र तपासणीसाठी लुईस कोलासो आणि निक्सन कोलासो यांनी सहकार्य केले.
या शिबिरासाठी रिजन चेअरमन सुयोग पेंडसे, झोन चेअरमन अलकेश शहा, संजय गोडसे, मिलिंद पाटील, नयन कवळे, पनवेल सरगम क्लबच्या अध्यक्ष मानदा पंडित, सचिव प्रेमेंद्र बहिरा, आदित्य दोशी उलवे जेम्स क्लबचे उमेश जाधव उपस्थित होते. हे शिबिर यशस्वी होण्यासाठी शाळेचे मुख्याध्यापक सुर्यवंशी सर आणि सर्व शिक्षक आणि कर्मचारी यांनी विशेष मेहनत घेतली.
