Pune Crime: कुख्यात सूरज ठोंबरे टोळीवर ‘मकोका’अंतर्गत कारवाई

Pune Crime :पुणे, महाराष्ट्र मिरर प्रतिनिधी : खुनाचा बदला घेण्यासाठी शिवाजीनगर न्यायालय परिसरात प्रतिस्पर्धी टोळीतील सदस्यांवर हल्ला करण्याच्या तयारीत असल्याच्या आरोपावरून कुख्यात सूरज ठोंबरे आणि त्याच्या टोळीतील सदस्यांविरुद्ध महाराष्ट्र संघटित गुन्हेगारी नियंत्रण अधिनियम (मकोका) अंतर्गत कारवाई करण्यात आली आहे. भारती विद्यापीठ पोलिसांनी या टोळीविरुद्ध मकोकाचा प्रस्ताव सादर केला होता.पोलिसांच्या माहितीनुसार, सूरज ठोंबरे याच्या टोळीतील सदस्याचा २६ ऑगस्ट २०२६ रोजी खून झाला होता. या खुनाचा बदला घेण्यासाठी टोळीतील सदस्य शिवाजीनगर कोर्ट परिसरात येणार असल्याची माहिती पोलिसांना मिळाली होती. त्यानुसार पोलिसांनी सापळा रचून संशयितांना ताब्यात घेतले. कारवाईदरम्यान त्यांच्याकडून अग्निशस्त्रासह शस्त्रे जप्त करण्यात आल्याचे प्रसिद्धिपत्रकात नमूद करण्यात आले आहे.https://maharashtramirror.com/ Pune Crime

या प्रकरणात वेदांत रोहित सावंत (वय २१), अथर्व दत्तात्रय खोपडे (वय २१), धिरज लखारा (वय २४), सूरज आशिष ठोंबरे (वय २४) आणि मानव शरद कमाले (वय २४) यांच्याविरुद्ध कारवाई करण्यात आली आहे. पोलिसांच्या म्हणण्यानुसार, टोळीतील सदस्यांविरुद्ध यापूर्वीही खुनाचा प्रयत्न, गंभीर दुखापत, शस्त्राचा धाक दाखवणे, बेकायदेशीर जमाव जमवणे, मारामारी, दहशत निर्माण करणे आणि फौजदारी कट रचणे अशा स्वरूपाचे गुन्हे दाखल आहेत.https://maharashtramirror.com/ Pune Crime

भारती विद्यापीठ पोलिस ठाण्यात या प्रकरणी भारतीय न्याय संहिता तसेच भारतीय शस्त्र अधिनियमातील संबंधित कलमांनुसार गुन्हा दाखल करण्यात आला आहे. टोळीच्या कथित संघटित गुन्हेगारी कारवायांचा विचार करून मकोकाच्या कलमांचा अंतर्भाव करण्याचा प्रस्ताव वरिष्ठ अधिकाऱ्यांकडे पाठविण्यात आला होता. या प्रस्तावाला २६ ऑगस्ट रोजी मान्यता देण्यात आल्याचे पोलिसांनी सांगितले.https://maharashtramirror.com/ Pune Crime

पोलिस आयुक्त अमितेश कुमार, सह पोलिस आयुक्त रंजनकुमार शर्मा, अपर पोलिस आयुक्त तेजस्वी सातपुते, अपर पोलिस आयुक्त राजेश बनसोडे, पोलिस उपायुक्त मिलिंद मोहिते आणि सहायक पोलिस आयुक्त राहुल आवारे यांच्या मार्गदर्शनाखाली ही कारवाई करण्यात आली. वरिष्ठ पोलिस निरीक्षक सुदर्शन गायकवाड यांच्यासह भारती विद्यापीठ पोलिस ठाण्याच्या पथकाने ही कारवाई केली. प्रकरणाचा पुढील तपास सुरू आहे.