Pune Crime : सहा महिन्यांपासून फरार आरोपी पोलिसांच्या ताब्यात;गुन्हे शाखेच्या युनिट एकची कारवाई

Pune Crime : पुणे, महाराष्ट्र मिरर : समर्थ पोलीस ठाण्यात दाखल गंभीर गुन्ह्यात सहा महिन्यांपासून फरार असलेल्या आरोपीला गुन्हे शाखेच्या युनिट एकच्या पथकाने भवानी पेठेतून ताब्यात घेतले. मोईन आसिफ घोडके (वय २५, रा. भवानी पेठ, पुणे) असे त्याचे नाव आहे. ही कारवाई १५ ऑक्टोबर रोजी करण्यात आली.https://maharashtramirror.com/ Pune Crime

पोलिसांनी दिलेल्या माहितीनुसार, घोडके याच्याविरुद्ध समर्थ पोलीस ठाण्यात गुन्हा दाखल आहे. या गुन्ह्यात तो पोलिसांना हवा होता. फरार आरोपींचा शोध घेत असताना पोलीस हवालदार प्रमोद जगताप आणि पोलीस अंमलदार उमेश शेलार यांना घोडके त्याच्या राहत्या घराजवळ आल्याची माहिती मिळाली.
ही माहिती वरिष्ठ पोलीस निरीक्षक दिपक लगड यांना देण्यात आली. त्यांच्या सूचनेनुसार पथकाने संबंधित ठिकाणी जाऊन घोडके याला ताब्यात घेतले. त्याची ओळख निश्चित केल्यानंतर पुढील कारवाईसाठी त्याला समर्थ पोलिसांच्या ताब्यात देण्यात आले. प्रमोद जगताप, उमेश शेलार, किरण मोरे, सचिन कोळी आणि अविनाश दळवी यांनी कारवाईत सहभाग घेतला.