Mumbai News :दुष्काळग्रस्तांना पुढील ६ ते ८ महिने आधार देणार; फडणवीसांची माहिती

Mumbai News :मुंबई : राज्यातील दुष्काळग्रस्त भागांतील शेतकरी, शेतमजूर आणि ग्रामीण नागरिकांना पुढील सहा ते आठ महिने अधिक आधार देण्याची गरज आहे. या पार्श्वभूमीवर रोजगारनिर्मिती, गरजूंपर्यंत अन्नधान्य पोहोचविणे, पिण्याच्या पाण्याची व्यवस्था करणे, तसेच पशुधनासाठी चारा आणि पाणी उपलब्ध करून देण्यासाठी शासनाकडून सूक्ष्म नियोजन करण्यात येत असल्याची माहिती मुख्यमंत्री देवेंद्र फडणवीस यांनी दिलीhttps://maharashtramirror.com/ Mumbai news

केंद्रीय दुष्काळ पाहणी पथकासोबत झालेल्या बैठकीत मुख्यमंत्री फडणवीस यांनी राज्यातील दुष्काळी परिस्थिती आणि त्यावरील उपाययोजनांबाबत भूमिका स्पष्ट केली. दुष्काळामुळे ग्रामीण भागातील नागरिकांसमोर निर्माण झालेली आव्हाने लक्षात घेऊन आगामी काळात मदत आणि आवश्यक सुविधांच्या उपलब्धतेवर भर देण्यात येणार असल्याचे त्यांनी सांगितले.https://maharashtramirror.com/ Mumbai news

केंद्रीय दुष्काळ पाहणी पथकाने राज्यातील दुष्काळग्रस्त भागांची पाहणी केली असून, या परिस्थितीचा सविस्तर अहवाल केंद्र सरकारला सादर केला जाईल, असा विश्वासही मुख्यमंत्री फडणवीस यांनी व्यक्त केला. या अहवालाच्या माध्यमातून राज्यातील दुष्काळाची तीव्रता केंद्र सरकारसमोर मांडली जाईल, अशी अपेक्षा व्यक्त होत आहे.