Delhi News : दिल्लीत आंदोलनापूर्वी हायव्होल्टेज ड्रामा; संजय राऊतांचा केंद्र सरकारवर हल्लाबोल, पंतप्रधान मोदींचा शेवटचा वाढदिवस असल्याचा दावा!'

Delhi News :दिल्ली/मुंबई ::- मुख्य निवडणूक आयुक्त ज्ञानेश कुमार यांच्याविरोधात कॉकरोच जनता पार्टीकडून (CJP) दिल्लीत आयोजित करण्यात आलेल्या आंदोलनाच्या पार्श्वभूमीवर राजकीय वातावरण चांगलेच तापले आहे. यावर प्रतिक्रिया देताना शिवसेना (उद्धव बाळासाहेब ठाकरे) पक्षाचे खासदार संजय राऊत यांनी पुण्यात प्रसारमाध्यमांशी बोलताना केंद्र सरकारवर अत्यंत आक्रमक शब्दांत निशाणा साधला. "हे जनतेचे बंड आहे आणि सरकार ते कधीही थांबवू शकत नाही. या सरकारच्या अधःपतनाची सुरुवात झाली असून, म्हणूनच आंदोलकांना रोखले जात आहे. या सरकारमध्ये राज्यकर्ते नसून केवळ व्यापारी बसले आहेत," असा घणाघात राऊतांनी केला.https://maharashtramirror.com/ Delhi news

केंद्र सरकारच्या दडपशाहीवर ताशेरे ओढताना राऊत म्हणाले की, प्रशासनाने दिल्लीला अक्षरशः जम्मू-काश्मीरसारखे बनवले आहे. तब्बल 15 हजार वाहने दिल्लीच्या बाहेर अडकून पडली असून आंदोलनासाठी जाणाऱ्या नागरिकांच्या ट्रेन रोखल्या जात आहेत. "गृहमंत्री 56 इंचाची छाती असल्याचे सांगत होते, मग आता ते कोणाला घाबरत आहेत? दिल्लीत नेमके काय सुरू आहे, हे तेथील मुख्यमंत्र्यांनाही माहिती नाही," असा दावा त्यांनी केला. तसेच, युट्यूबर ध्रुव राठी याला पोलिसांनी ताब्यात घेतल्याचा निषेध करत हे सरकार दडपशाहीशिवाय दुसरे काहीही करू शकत नाही, असे ते म्हणाले.https://maharashtramirror.com/ Delhi news

केंद्र सरकारवर भविष्य वर्तवताना संजय राऊत म्हणाले की, हे सरकार फार काळ टिकणार नाही आणि आगामी सहा महिन्यांत कोसळेल. विरोधकांविरोधात दमनशक्तीचा वापर सुरू असून आणीबाणीच्या काळातही हेच घडले होते. "नरेंद्र मोदी, अमित शहा सत्तेवर असणे हे व्होटचोरीचे उत्तम उदाहरण आहे. एप्रिलनंतर नरेंद्र मोदी पंतप्रधान राहणार नाहीत आणि यंदा पंतप्रधान म्हणून हा त्यांचा शेवटचा वाढदिवस असेल. ज्याप्रमाणे ब्रिटिशांच्या काळात पर्यायी सरकार स्थापन झाले होते, तसेच सरकार आता देशात येऊ शकते," असे भाकीत करत त्यांनी दिल्ली पोलिसांनाही केंद्र सरकारचे कोणतेही बेकायदेशीर आदेश न पाळण्याचे आवाहन केले.