Mumbai news : प्रशांत भूषणांच्या "सत्ता परिवर्तना"च्या विधानामुळे सीजेपी अडचणीत; मुख्यमंत्री देवेंद्र फडणवीसांचा काँग्रेस व आंदोलकांवर जोरदार हल्लाबोल

Mumbai news :मुंबई :- ज्येष्ठ विधिज्ञ प्रशांत भूषण यांनी देशामध्ये "सत्ता परिवर्तन" (Regime Change) हवे असल्याचे उघडपणे म्हटल्यानंतर राजकीय वर्तुळात मोठी खळबळ उडाली आहे. या विधानामुळे कॉकरोच जनता पार्टी (CJP) आणि विरोधकांचे बिंग फुटले असून, हा सर्व खेळ केवळ सत्तेच्या खुर्चीसाठी सुरू असल्याचा घणाघात मुख्यमंत्री देवेंद्र फडणवीस यांनी केला आहे. आंदोलनांच्या आणि लोकशाहीच्या नावाखाली देशात अराजकता माजवून केंद्र सरकार उलथवून टाकण्याचा विरोधकांचा डाव असल्याचा गंभीर आरोप त्यांनी केला आहे.https://maharashtramirror.com/ Mumbai news

प्रशांत भूषण यांनी एका पत्रकार परिषदेत बोलताना, "होय, आम्हाला सत्ता परिवर्तन हवे आहे आणि त्यात काहीही चुकीचे नाही," असे म्हटले होते. हाच धागा पकडत मुख्यमंत्री देवेंद्र फडणवीस यांनी सोशल मीडियावर एक व्हिडिओ शेअर करत, "It’s done bro, everything is exposed!! Afterall, it was all about 'Regime Change'.." अशा शब्दांत निशाणा साधला. अखेर मनात लपलेली खरी गोष्ट ओठांवर आलीच, विद्यार्थ्यां व शेतकऱ्यांना भडकावणे, जाती-भाषेच्या नावावर द्वेष पसरवणे आणि घटनात्मक संस्थांची प्रतिमा मलीन करणे हाच यांचा मूळ उद्देश असल्याचे फडणवीस यांनी म्हटले आहे. दरम्यान, संरक्षणमंत्री राजनाथ सिंह यांनीही काँग्रेसवर देशामध्ये बांगलादेशच्या धर्तीवर अस्थिरता निर्माण करण्याचा प्रयत्न असल्याचा आरोप केला आहे.

वाढत्या वादानंतर आणि मुख्यमंत्र्यांच्या टीकेनंतर CJP च्या वतीने तातडीने सारवासारव करण्यात आली आहे. CJP चे नेते अभिजीत दीपके यांनी स्पष्ट केले की, आमची मागणी कोणत्याही प्रकारच्या सत्ता परिवर्तनाची नसून, मुख्य निवडणूक आयुक्त ज्ञानेश कुमार यांच्या राजीनाम्याची आहे. निवडणूक प्रक्रियेतील त्रुटींवर आमचा आक्षेप असून आम्ही केवळ निवडणुकांशी संबंधित मुद्द्यांवर लढत असल्याचे त्यांनी स्पष्ट केले असले, तरी प्रशांत भूषणांच्या विधानामुळे या संपूर्ण आंदोलनाला आता एक नवे आणि राजकीय वळण मिळाले आहे.