Mumbai Diwali News : मुंबईत दिवाळीचा 'खरेदी फिव्हर' शिगेला; दादर-क्रॉफर्ड मार्केटला जत्रेचे स्वरूप

Mumbai Diwali Festival News : फराळ, कंदिल आणि तोरणांच्या खरेदीसाठी प्रचंड गर्दी; वाहतूक कोंडीत मोठी वाढ

मुंबई :- येत्या शुक्रवारपासून वसुबारसने दिवाळी सणाची सुरुवात होणार असल्यामुळे मुंबईतील सर्व लहान-मोठ्या बाजारपेठांमध्ये खरेदीचा प्रचंड उत्साह पाहायला मिळत आहे. दादर, क्रॉफर्ड मार्केट, भुलेश्वर आणि बोरिवलीसारख्या मध्यवर्ती बाजारपेठांना अक्षरशः जत्रेचे स्वरूप आले आहे. फराळ, कपडे, तोरणं, दिवे, पणत्या आणि रांगोळीच्या वस्तूंच्या खरेदीसाठी शनिवार आणि रविवारपासूनच ग्राहकांनी सर्वत्र मोठी गर्दी केली आहे. Mumbai Diwali News

गर्दीचा उच्चांक आणि वाहतूक कोंडी

यंदा ऑनलाईन खरेदीचा काळ असला तरी, पारंपरिक वस्तूंसाठी दादर, क्रॉफर्ड मार्केट येथे ग्राहकांची झुंबड उडाली आहे. संध्याकाळच्या वेळेत या बाजारपेठांमध्ये गर्दीचा उच्चांक गाठला जातो.

आता पुढचे काही दिवस दिवाळीच्या खरेदीसाठी मुंबईतील सर्व लहानमोठ्या बाजारपेठांमध्ये अशीच झुंबड उडणार आहे.