Mumbai Crime News : अभिनेत्री व्हायचं होतं… आणि जाळ्यात अडकली!
• तरुणीची पोलिसांकडे धाव, डी.
1 મિનિટ વાંચન
•तरुणीची पोलिसांकडे धाव, डी. एन. नगर पोलिसांनी दोघांविरोधात गुन्हा दाखल
मुंबई | मोठं स्वप्न, छोटा विश्वास आणि एक चुकीचा निर्णय… अभिनय क्षेत्रात पदार्पण करण्याचं स्वप्न उराशी बाळगणाऱ्या 18 वर्षीय तरुणीला ‘बेवसिरीज’मध्ये मुख्य भूमिकेचं आमिष दाखवत फसवणूक करण्यात आली. इतकंच नव्हे, तर तिचे संपादित अश्लील फोटो व्हायरल करण्याची धमकी देत 40 हजारांची खंडणी मागण्यात आली.
पीडित तरुणी अंधेरीतील अभियांत्रिकी महाविद्यालयात शिक्षण घेत असून अभिनय आणि मॉडेलिंग क्षेत्रात संधी शोधत होती. अशाच वेळी 11 जून रोजी तिला “भावेश” नामक व्यक्तीचा फोन आला. मी ‘जी एम स्टुडिओ’चा निर्माता असल्याचे सांगून त्याने एका नव्या वेब सिरीजसाठी तिला संधी देऊ केली. वेब सिरीजचे दिग्दर्शक राहुल पटेल, तर नायक शिवम अग्रवाल असल्याची माहितीही त्याने दिली.
या प्रकरणी पोलिसांनी भावेश, शिवम अग्रवाल आणि दोन अनोळखी मोबाइल धारकांविरुद्ध माहिती तंत्रज्ञान कायद्याच्या विविध कलमांअंतर्गत तसेच फसवणूक, धमकी यांवर आधारित भारतीय दंड संहितेच्या कलमांखाली गुन्हा दाखल केला आहे. पोलिसांकडून आरोपींचा शोध सुरू आहे.