Mumbai News : एकनाथ शिंदेंचा आंतरराष्ट्रीय सन्मान; ब्रिटिश संसदेत तीन पुरस्कारांनी गौरव

Mumbai News : मुंबई : महाराष्ट्राचे उपमुख्यमंत्री एकनाथ शिंदे यांच्या कार्याची दखल आता आंतरराष्ट्रीय पातळीवरही घेण्यात आली आहे. ब्रिटनच्या संसदेत ९ आणि १० सप्टेंबर रोजी आयोजित करण्यात आलेल्या विविध कार्यक्रमांमध्ये शिंदे यांना तीन पुरस्कारांनी सन्मानित करण्यात येणार आहे. या कार्यक्रमासाठी एकनाथ शिंदे मंगळवारी लंडनला रवाना झाले आहेत.https://maharashtramirror.com/ Mumbai news
मुख्यमंत्री आणि त्यानंतर उपमुख्यमंत्री म्हणून त्यांनी राबवलेल्या नागरिक-केंद्री, पारदर्शक आणि नाविन्यपूर्ण प्रशासन पद्धतीची दखल घेत हा सन्मान दिला जाणार असल्याचे आयोजकांकडून सांगण्यात आले आहे. त्यांच्या कार्यकाळातील तीन प्रमुख कल्याणकारी योजनांची या पुरस्कारांसाठी विशेष दखल घेण्यात आली आहे.https://maharashtramirror.com/ Mumbai News
यामध्ये महिलांच्या आर्थिक स्वावलंबनासाठीची ‘मुख्यमंत्री माझी लाडकी बहीण योजना’, नागरिकांना शासकीय सेवा थेट त्यांच्या घरापर्यंत पोहोचवणारा ‘शासन आपल्या दारी’ उपक्रम आणि तरुणांना प्रत्यक्ष कामाचा अनुभव देत रोजगाराच्या संधी उपलब्ध करून देणारी ‘मुख्यमंत्री युवा कार्य प्रशिक्षण योजना’ यांचा समावेश आहे.https://maharashtramirror.com/ Mumbai news

ब्रिटिश संसदेच्या हाऊस ऑफ लॉर्ड्समध्ये एकनाथ शिंदे यांना ‘कॉमनवेल्थ पब्लिक लीडरशिप रिकग्निशन’ पुरस्काराने सन्मानित करण्यात येणार आहे. तसेच हाऊस ऑफ कॉमन्समध्ये आयोजित ‘इंटरनॅशनल कॉन्क्लेव्ह २०२६’मध्ये त्यांना ‘स्टेट्समनशिप अवॉर्ड’ प्रदान केला जाणार आहे. याशिवाय महाराष्ट्र मंडळातर्फे ‘ग्लोबल प्राईड ऑफ महाराष्ट्र’ पुरस्कारानेही त्यांचा गौरव करण्यात येणार आहे.
यूके एशियन बिझनेस कौन्सिल आणि ‘कॅनव्हास फॉर केअर क्रिएटिव्ह आर्ट कॅम्पस’ यांच्या संयुक्त विद्यमाने ९ सप्टेंबर रोजी हाऊस ऑफ लॉर्ड्समध्ये ‘कॉमनवेल्थ पब्लिक लीडरशिप रिकग्निशन’ सोहळा आयोजित करण्यात आला आहे. या कार्यक्रमासाठी उत्तर आयर्लंडच्या माजी फर्स्ट मिनिस्टर बॅरोनेस आर्लेन फॉस्टर आणि यूके एशियन बिझनेस कौन्सिलचे चेअरमन अँड्र्यू ग्रोकॉक यांच्या वतीने कौन्सिलचे उपाध्यक्ष सुदीप सकाळे यांनी शिंदे यांना निमंत्रण दिले आहे.