Vijay Wadettiwar : मुख्यमंत्र्यांचा "लाडका मंत्री"योजनेचा आणखी एक लाभार्थी ; राज्याचे विरोधी पक्षनेते विजय वडेट्टीवार यांचे ट्विट

•शिंदे गटाचे मंत्री संजय राठोड यांच्यावर भूखंड घोटाळ्याचा आरोप, 500 कोटीचा भूखंड कवडीमोलाच्या भावात दिलं असल्याचा आरोप विजय वडेट्टीवार यांनी केला आहे.

मुंबई :- राज्याचे विरोधी पक्षनेते विजय वडेट्टीवार यांनी पुन्हा एकदा राजकीय खळबळ उडवणारे ट्विट‌ करत शिंदे सरकारमध्ये मंत्री असलेले संजय राठोड यांच्यावर गंभीर आरोप केले आहे. मुख्यमंत्र्यांचा "लाडका मंत्री" योजनेचे आणखी एक लाभार्थी समोर आल्याचा आरोप वडेट्टीवार यांनी केले आहे. नवी मुंबईतील एक भूखंड राज्याचे मंत्री संजय राठोड यांना कवडीमोल भावात दिल्याचा आरोप विजय वडेट्टीवार यांनी केले आहे. या संदर्भातील ट्विट करत भूखंडमध्ये गैरव्यवहार झाल्याचे म्हटले आहे.

विरोधी पक्ष नेते विजय वडेट्टीवार यांचे ट्विट
मुख्यमंत्र्यांचा ‘लाडका मंत्री‘ असतो तेव्हा काय काय होऊ शकते बघा..

तब्बल ५०० कोटी रुपयांचा भूखंड अवघ्या एक रुपये प्रती चौरस मीटरच्या किंमतीत मिळू शकतो. दुसऱ्यांच्या जमिनी फुकटात हडपू शकतात.

मुख्यमंत्र्यांच्या "लाडका मंत्री" योजनेचा आणखी एक लाभार्थी महाराष्ट्रापुढे आला आहे.

1 नोव्हेंबर 2023 रोजी, राज्याच्या नगरविकास विभागाने एक भूखंड श्री.संत डॉ.रामराव महाराज चॅरिटेबल ट्रस्टला हस्तांतरित करण्यात आल्याचा उल्लेख करणारा शासन निर्णय प्रसिद्ध झाला

मात्र मंत्रिमंडळाची कोणतीही मान्यता न घेता हा निर्णय झाल्याचे आता समोर आले आहे. मुख्यमंत्र्यांचे लाडके मित्र मंत्री संजय राठोड यांच्या दबावात बेलापूर, नवी मुंबई येथील 5600 चौ.मी. भूखंड श्री.संत डॉ. रामराव महाराज चॅरिटेबल या ट्रस्टच्या नावाने वाटप करण्यात आला.

मतांसाठी लाडक्या बहिणीला 1500/- रुपये, आणि लाडक्या मंत्र्याला 500 कोटींचा भूखंड कवडीमोल भावात. महाराष्ट्राची लूट जिथे मिळेल तिथे कशी सुरू आहे बघा!

हेही वाचा: Mumbai Crime News : ७७ वाहनांच्या मुळ मालकाचा शोधडायघर पोलिस ठाण्याची कामगिरी