मुख्यमंत्री देवेंद्र फडणवीस यांच्या कार्यालयावर हल्ला करण्याबाबत पाकिस्तानातून धमकीचा मेसेज; पोलिसांकडून अधिक तपास

•व्हॉट्सॲपवरून धमकीचा मेसेज आल्यानंतर मुंबई पोलिसांनी गुन्हा दाखल करून तपास सुरू केला आहे. संदेश पाठवणाऱ्याने त्याचे नाव मलिक शाहबाज हुमायून राजा देव असे दिले आहे.

मुंबई :- मुख्यमंत्री देवेंद्र फडणवीस यांच्या कार्यालयावर हल्ला करण्याची धमकी देणारा संदेश मुंबई वाहतूक पोलिसांना व्हॉट्सॲपवर आला होता. धमकीची माहिती मिळाल्यानंतर मुंबईच्या वरळी पोलिसांनी गुन्हा दाखल करून तपास सुरू केला आहे.

पाकिस्तानी क्रमांकावरून व्हॉट्सॲपवर हा धमकीचा मेसेज मुंबई वाहतूक पोलिसांना मिळाला. बुधवारी दुपारी हा मेसेज मिळाल्यानंतर पोलिसांचा तपास अलर्ट मोडवर टाकण्यात आला होता. मेसेज पाठवणाऱ्या व्यक्तीने त्याचे नाव मलिक शाहबाज हुमायून राजा देव असल्याचे उघड केले आहे. मेसेज पाठवणारी व्यक्ती भारतातील आहे की बाहेरची आहे याचा तपास मुंबई पोलीस करत आहेत.

हेही वाचा: Pune Swargate Rape Case : पुण्यातील बसमधील बलात्काराचा आरोपी 70 तासांनंतर अटक, उसाच्या शेतात सापडला