Thane Crime News : अंमली पदार्थ विरोधी पथकाची जोरदार धडक

•चार ठिकाणी छापे; पाच जणांना अटक,54 लाखांचा ‘एम.डी.’ आणि गांजा जप्त

ठाणे | ठाणे गुन्हे शाखेच्या अंमली पदार्थ विरोधी पथकाने मोठी कामगिरी करत चार वेगवेगळ्या ठिकाणी एकाचवेळी छापेमारी करून अंमली पदार्थांची विक्री करणाऱ्या पाच जणांना अटक केली आहे. या कारवाईत 157.3 ग्रॅम एम.डी. (Mephedrone) व 41 किलो 974 ग्रॅम गांजा असा एकूण 54 लाख 46 हजार रुपयांचा मुद्देमाल जप्त करण्यात आला.

गुन्हे शाखेच्या या धडक मोहिमेमुळे ठाणे जिल्ह्यात अंमली पदार्थ विक्री करणार्‍या टोळ्यांमध्ये खळबळ उडाली आहे. ही कारवाई उल्हासनगर, डोंबिवली, कळवा आणि मुंब्रा या ठिकाणी करण्यात आली. संबंधित पोलिस ठाण्यांमध्ये एन.डी.पी.एस. कायद्यांतर्गत गुन्हे दाखल करण्यात आले आहेत.

वेगवेगळ्या ठिकाणांवरील कारवायांचा आढावा

1.उल्हासनगर (हिललाईन पो.स्टे.)
जय संजय रेवगडे आणि साहिल किरण कांगणे यांच्याकडून 85 ग्रॅम एम.डी. जप्त. एकूण किंमत – 16.72 लाख

2.डोंबिवली (मानपाडा पो.स्टे.)
कल्पेश निंबाळकर आणि आशिष आंबोकर यांच्या ताब्यातून 72.2 ग्रॅम एम.डी. हस्तगत. एकूण किंमत –14.44 लाख

3.कळवा (कळवा पो.स्टे.)
ओडिशातील राजेंद्र महंतकडून 40 किलो गांजा पकडला. किंमत 12.16 लाख

4.मुंब्रा (मुंब्रा पो.स्टे.)
– शोएब शेख याच्याकडून 1.43 किलो गांजा जप्त. किंमत 43 हजार रुपये.

या यशस्वी कारवाईसाठी पोलीस उपायुक्त (गुन्हे) अमरसिंह जाधव, सहाय्यक पोलीस आयुक्त (प्रतिबंध) विनय घोरपडे, तसेच अंमली पदार्थ विरोधी पथकाचे वरिष्ठ पोलीस निरीक्षक राहुल मस्के यांचे नेतृत्व लाभले. पथकात सहाय्यक पोलीस निरीक्षक निलेश मोरे, पोलीस उपनिरीक्षक निकम, पोलीस हवालदार तावडे, वासरवाड, महाले, देसाई, सोनगिरे यांचा सक्रिय सहभाग होता.

हेही वाचा: Winter Session To Begin In Nagpur : पावसाळी अधिवेशन संपले; हिवाळी अधिवेशन 8 डिसेंबरपासून नागपुरात