Social & Crime News : दूध भेसळ प्रकरणातील आणखी एक फरार आरोपी गजाआड

पुणे, महाराष्ट्र मिरर Social & Crime News : राज्यभर खळबळ उडवून देणाऱ्या दूध भेसळ प्रकरणात मंचर पोलिसांना आणखी एक फरार आरोपीला गजाआड केले असून, या प्रकरणातील अटक आरोपींची संख्या १४ वर पोहोचली आहे. न्यायालयाने आरोपीला ३ ऑगस्टपर्यंत पोलिस कोठडी सुनावली आहे.Social & Crime News

सचिन अंकुशराव सपकाळ (वय २८, रा. जळगाव सपकाळ, ता. भोकरदन) असे अटक केलेल्या आरोपीचे नाव आहे.

अन्न व औषध प्रशासन विभाग आणि पुणे ग्रामीण पोलिसांनी केलेल्या संयुक्त कारवाई दूध भेसळीचे मोठे रॅकेट उघडकीस आले होते. नागरिकांच्या आरोग्याशी खेळणाऱ्या या प्रकारामुळे राज्यभर संतापाची लाट उसळली होती. या प्रकरणी मंचर पोलिस ठाण्यात ५ जुलै रोजी गुन्हा दाखल करण्यात आला होता.Social & Crime News

या गुन्ह्यात मंचर, शिरूर, जुन्नर, खेड, उरळीकांचन, तसेच माळशिरस, राहुरी, श्रीरामपूर आणि सिल्लोड येथील मिळून २६ आरोपींचा समावेश आहे. यापूर्वी प्रमुख आरोपी सुशांत बबनराव हिंगे, संदीप लोढा (मंचर) आणि हेमंत टेके (अकलूज) यांच्यासह तेरा जणांना अटक करण्यात आली होती.

या गुन्ह्याचा तपास वेगाने करण्यासाठी विशेष तपास पथक (एसआयटी) स्थापन करण्यात आले असून, उर्वरित फरार आरोपींचा शोध सुरू आहे. तपास पथकाने गुप्त माहितीच्या आधारे फरार असलेल्या सचिन सपकाळला गुरुवारी अटक केली. त्याला न्यायालयात हजर केले असता न्यायालयाने ३ ऑगस्टपर्यंत पोलिस कोठडी मंजूर केली.Social & Crime News

दरम्यान, या प्रकरणाचा तपास एसआयटीमार्फत सुरू असून, दूध भेसळ रॅकेटची संपूर्ण साखळी उघड करण्यासाठी आणि नागरिकांच्या आरोग्याशी खेळ करणाऱ्यांविरोधात कठोर कारवाई करण्यासाठी तपास यंत्रणा विविध अंगांनी चौकशी करत आहे.

पुणे ग्रामीण पोलिस दलातील सूत्रांनी माहिती देताना सांगितले की, दूध भेसळ प्रकरणातील फरार आरोपींचा शोध घेण्यासाठी एसआयटीकडून सातत्याने कारवाई सुरू आहे. सचिन सपकाळ याला अटक करण्यात आली असून न्यायालयाने त्याला ३ ऑगस्टपर्यंत पोलिस कोठडी सुनावली आहे. उर्वरित फरार आरोपींचा शोधही युद्धपातळीवर सुरू असून त्यांनाही लवकरच अटक करण्यात येईल.”Social & Crime News

Social & Crime News