Pune Crime : संतोष पंडितला जामीन मंजूर; कारागृहातून सुटका

Pune Crime :पुणे, महाराष्ट्र मिरर : पुण्यातील सोशल मीडिया इन्फ्लुएंसर आणि युट्यूबर संतोष पंडित यांना न्यायालयाने जामीन मंजूर केला आहे. चौदा दिवसांच्या न्यायालयीन कोठडीनंतर त्यांचा जामीन मंजूर झाल्याने कारागृहातून त्यांच्या सुटकेचा मार्ग मोकळा झाला आहे. समाजमाध्यमांवर आक्षेपार्ह व्हिडिओ प्रसारित करणे तसेच बदनामीकारक शब्दांचा वापर केल्याच्या आरोपावरून संतोष पंडित यांना पोलिसांनी अटक केली होती. अटकेनंतर त्यांना न्यायालयात हजर करण्यात आले. सुरुवातीला न्यायालयाने त्यांना पोलीस कोठडी सुनावली होती.https://maharashtramirror.com/ Pune crime

पोलीस कोठडीची मुदत संपल्यानंतर पंडित यांची न्यायालयीन कोठडीत रवानगी करण्यात आली होती. त्यानुसार त्यांना येरवडा मध्यवर्ती कारागृहात ठेवण्यात आले होते. चौदा दिवस न्यायालयीन कोठडीत राहिल्यानंतर त्यांच्या जामीन अर्जावर न्यायालयात सुनावणी झाली. न्यायालयाने त्यांचा जामीन अर्ज मंजूर केला असून, आवश्यक कायदेशीर प्रक्रिया पूर्ण झाल्यानंतर त्यांची कारागृहातून सुटका होणार आहे.दरम्यान, पंडित यांच्यावरील आरोपांबाबत पुढील तपास सुरू असून प्रकरण न्यायप्रविष्ट आहे.