Mumbai News : राहुल गांधींचा साहिल वाकोडे यांच्या पालकांशी संवाद

Mumbai News : मुंबई : आयआयटी बॉम्बेचा दिवंगत विद्यार्थी साहिल वाकोडे यांच्या पालकांशी काँग्रेस नेते आणि लोकसभेतील विरोधी पक्षनेते राहुल गांधी यांनी व्हिडिओ कॉलद्वारे संवाद साधला. साहिलच्या मृत्यूच्या पार्श्वभूमीवर सुरू असलेल्या न्यायाच्या लढ्यात कुटुंबाला सर्वतोपरी मदत करण्याचे आश्वासन राहुल गांधी यांनी दिल्याची माहिती सूत्रांनी दिली आहे. https://maharashtramirror.com/ Mumbai news
राहुल गांधी यांनी साहिलचे वडील रवींद्र वाकोडे आणि आई सोनाली वाकोडे यांच्याशी सुमारे १७ मिनिटे संवाद साधला. त्यावेळी वाकोडे दाम्पत्य वाशिम जिल्ह्यातून मुंबईकडे प्रवास करत होते. या संवादावेळी इंडियन यूथ काँग्रेसचे अध्यक्ष उदय भानू चिब आणि महाराष्ट्र काँग्रेसचे प्रमुख शिवराज मोरे हे देखील साहिलच्या पालकांसोबत उपस्थित होते.https://maharashtramirror.com/ Mumbai news
साहिलच्या पालकांनी आपल्या मुलाला आयआयटी बॉम्बेमध्ये जातीय भेदभाव आणि मानसिक त्रासाला सामोरे जावे लागल्याचा आरोप केला असून, या प्रकरणाची सखोल चौकशी करून संबंधितांवर कारवाई करण्याची मागणी केली आहे. मुंबई पोलिसांच्या क्राइम ब्रँचकडून या प्रकरणाचा तपास सुरू आहे.
साहिल हा आयआयटी बॉम्बेमध्ये बीटेकच्या दुसऱ्या वर्षात शिक्षण घेत होता. १८ सप्टेंबर रोजी त्याचा मृतदेह वसतिगृहातील खोलीत आढळला. त्याच्या मृत्यूपूर्वी मिड-सेमेस्टर परीक्षेदरम्यान मोबाईलवर ChatGPT वापरल्याचा आरोप झाल्याचे वृत्त आहे. या पार्श्वभूमीवर प्रकरणाच्या स्वतंत्र आणि सखोल चौकशीची मागणी होत आहे.
“साहिलच्या कुटुंबासोबत असून, न्यायासाठी आवश्यक ती सर्व मदत केली जाईल,” असा विश्वास राहुल गांधी यांनी पालकांना दिल्याचे सूत्रांनी सांगितले आहे.