Pune Crime: मालकाची २८ लाखांची रोख रक्कम घेऊन कामगार पसार

Pune Crime : पुणे, महाराष्ट्र मिरर : स्टीलच्या गोदामात काम करणाऱ्या कामगारानेच आपल्या साथीदाराच्या मदतीने मालकाचा विश्वासघात करत २८ लाख रुपयांची रोख रक्कम पळवल्याची घटना घडली आहे. याप्रकरणी कोंढवा पोलिसांनी तत्परतेने कारवाई करत दोन्ही आरोपींना अटक केली आहे. शाकीब अयुब मोमीन (वय २७, रा. सय्यदनगर, हडपसर) आणि सुरेश बिचप्पा पुजारी (वय ३०, रा. रामटेकडी, हडपसर) अशी अटक करण्यात आलेल्या आरोपींची नावे आहेत. या प्रकरणी महंमदवाडी येथील २६ वर्षीय व्यापाऱ्याने कोंढवा पोलीस ठाण्यात फिर्याद दिली आहे.https://maharashtramirror.com/ Pune crime

पोलिसांनी दिलेल्या माहितीनुसार एनआयबीएम रस्ता, कोंढवा येथील एव्हरजॉय सोसायटीसमोर तक्रारदाराचे स्टीलचे गोदाम आहे. २७ ऑगस्ट २०२६ रोजी संध्याकाळी पावणेसातच्या सुमारास, व्यापाऱ्याच्या गोदामात काम करणाऱ्या कामगाराने आणि त्याच्या साथीदाराने संगणमत केले. रिटेल विक्रेत्यांकडून जमा झालेली स्टीलच्या बिलाची तब्बल २८ लाख रुपयांची रोख रक्कम गोदामात जमा करायची होती. मात्र, आरोपींनी ही मोठी रक्कम स्वतःकडे ठेवून मालकाचा विश्वासघात केला आणि रोकडसह पोबारा केला. घटनेची माहिती मिळताच पोलिसांनी तत्काळ तपासाची चक्रे फिरवून दोन्ही आरोपींना गजाआड केले. महिला पोलीस उपनिरीक्षक रूपाली जाधव या प्रकरणाचा अधिक तपास करत आहेत.https://maharashtramirror.com/ Pune crime