Crime News : शिरूर येथे बंद घराच्या टेरेसचा दरवाजा तोडून ३.४९ लाखांचा मुद्देमालाची चोरी

पुणे, महाराष्ट्र मिरर

Crime News: शिरूर तालुक्यातील वडगावरासाई येथील साखराई वस्तीमध्ये अज्ञात चोरट्यांनी बंद घराच्या टेरेसचा दरवाजा तोडून आत प्रवेश करत सोन्या-चांदीचे दागिने, रोख रक्कम आणि दोन वाहने असा एकूण ३,४९,००० रुपये किमतीचा ऐवज लांबवल्याची खळबळजनक घटना उघडकीस आली आहे. या प्रकरणी सिरुर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. Crime News burglary stolen jewellery

Social News : महात्मा फुले द्विशताब्दी जयंती वर्षांतच ऐतिहासिक भिडे वाड्याचे काम पूर्ण करा

घटनेचा सविस्तर तपशील
पोलीस सूत्रांकडून मिळालेल्या माहितीनुसार, वडगावरासाई (ता. शिरुर) येथील रहिवासी सर्जेराव महादेव ढवळे (वय ५६, व्यवसाय-शेती) यांच्या घरी दि. २० जुलै २०२६ रोजी रात्री सुमारे ०२:२२ वाजण्याच्या सुमारास ही घरफोडी झाली. अज्ञात चोरट्याने स्वतःच्या फायद्यासाठी घरमालक ढवळे यांच्या घराच्या टेरेसच्या दरवाजाचा कडी-कोयंडा तोडला आणि घरात अनधिकृत प्रवेश केला. चोरट्याने घरातील बेडरूममधील सामान अस्ताव्यस्त करून कपाटातील सोन्याचे दागिने व रोख रक्कमेवर डल्ला मारला. crime news

Pune News : ‘स्मार्ट सिटी’ पुण्याच्या वेशीवर चिमुकल्यांचा जीवघेणा प्रवास

चोरीला गेलेला मुद्देमाल
चोरट्याने घरातून पुढील ऐवज चोरून नेला आहे: रोख रक्कम: ५५,००० रुपये, सोन्याचे दागिने: ५ ग्रॅम वजनाचे कानातील टॉप्स (किंमत सुमारे ३०,००० रु.), ५ ग्रॅम वजनाच्या कुडक्यांचे दोन जोड (किंमत अनुक्रमे ३०,००० रु. व ३०,००० रु.) आणि ३९ ग्रॅम वजनाचा सोन्याचा नेकलेस (किंमत २,३४,००० रु.). वाहने: वनदीप भाऊसो काटे यांची काळ्या रंगाची होंडा शाईन दुचाकी किंमत २५,००० रु.) आणि टाटा नेक्सॉन चारचाकी गाडी. crime news

https://www.instagram.com/reel/DbAz2d5It-r/?igsh=Z245dHlmaTNnNmp3

एकूण ३,४९,००० रुपयांचा मुद्देमाल चोरून चोरटे पसार झाले आहेत. या प्रकरणी सर्जेराव ढवळे यांनी दिलेल्या फिर्यादीवरून शिरुर पोलीस ठाण्यात बी.एन.एस. कलम ३३१(४), ३०५, ३०३(२) अन्वये गुन्हा दाखल करण्यात आला असून, पुढील तपास पोलीस उपनिरीक्षक कदम करत आहेत.