Bribe News : अहिल्यानगर हादरलं! महसूल अधिकाऱ्याला ₹8,000 लाच स्विकारताना रंगेहात पकडले
अहिल्यानगर | पारनेर तालुक्यातील वाडेगव्हान येथील ग्राम महसूल अधिकारी दिपक मिमाजी साठे (वय ३६) याला लाचलुचपत प्रतिबंधक विभागाने लाच घेताना रंगेहात पकडले.
1 min read
अहिल्यानगर | पारनेर तालुक्यातील वाडेगव्हान येथील ग्राम महसूल अधिकारी दिपक मिमाजी साठे (वय ३६) याला लाचलुचपत प्रतिबंधक विभागाने लाच घेताना रंगेहात पकडले. Ahilyanagar ACB Trap News
तक्रारदाराच्या मुलगा व पुतण्यांच्या नावावर जमिनीची नोंद सातबारा उताऱ्यावर करून देण्यासाठी आरोपी अधिकाऱ्याने ₹10,000 लाचेची मागणी केली होती. तडजोडीनंतर रक्कम ₹8,000 ठरली.
१७ सप्टेंबर रोजी, पंचासमक्ष लाच स्वीकारताना साठे याला सापळा कारवाईत गजाआड करण्यात आले.
▪️ तक्रार आल्यानंतर त्याच दिवशी पडताळणी झाली.
▪️ सातबारा नोंद करण्याच्या बहाण्याने आरोपी अधिकाऱ्याने तक्रारदाराकडून रक्कम मागितली.
▪️ पंचासमक्ष प्रत्यक्ष ₹8,000 रोख स्वीकारताना साठे हाती लागला.
पोलिसांची चमकदार कामगिरी
ही कारवाई पोलीस निरीक्षक राजु आल्हाट यांच्या नेतृत्वाखाली, पोलीस उप अधीक्षक अजित त्रिपुटे यांच्या पर्यवेक्षणाखाली करण्यात आली.
पथकात पोना. चंद्रकांत काळे, शेखर वाघ, किशोर कुळधर आणि पोहेकॉ. दशस्थ लाड यांनी सहभाग घेतला.
कायदेशीर कारवाई
आरोपीविरुद्ध भ्रष्टाचार प्रतिबंधक अधिनियम १९८८ च्या कलम ७ अंतर्गत गुन्हा दाखल करण्यात आला असून, पुढील तपास सुरु आहे.
जनतेसाठी आवाहन
लाचलुचपत प्रतिबंधक विभाग, महाराष्ट्र राज्य यांच्यातर्फे आवाहन –
"जर कोणीही सरकारी अधिकारी किंवा कर्मचारी लाच मागत असेल, तर त्वरित तक्रार करा. भ्रष्टाचाराविरुद्धच्या या लढ्यात प्रत्येक नागरिकाने पुढे यावे."
