Tuljapur News : दुष्काळग्रस्त शेतकऱ्यांना तातडीने मदत द्या; आदित्य ठाकरेंची मागणी

Tuljapur News : तुळजापूर : राज्यातील दुष्काळग्रस्त भागातील शेतकऱ्यांना तातडीने मदत मिळावी, अशी मागणी आमदार आदित्य ठाकरे यांनी केली आहे. राज्यातील 358 तालुक्यांपैकी 265 तालुक्यांमध्ये दुष्काळ जाहीर करण्यात आला असून, राज्यातील मोठ्या भागावर दुष्काळाचे सावट असल्याचे त्यांनी म्हटले.https://maharashtramirror.com/ Tuljapur News

धाराशिव जिल्ह्यातील लोहारा तालुक्यातील आष्टा कासार तसेच तुळजापूर तालुक्यातील खानापूर येथील नुकसानीची पाहणी केल्यानंतर आदित्य ठाकरे यांनी प्रसारमाध्यमांशी संवाद साधला. यावेळी त्यांनी दुष्काळग्रस्त शेतकऱ्यांना केवळ घोषणा न करता प्रत्यक्ष मदत त्यांच्या खात्यांपर्यंत पोहोचविण्याची मागणी केली.https://maharashtramirror.com/ Tuljapur News

दुष्काळी परिस्थितीच्या पार्श्वभूमीवर शेतकऱ्यांना दिलासा देण्यासाठी सरकारने तातडीने उपाययोजना कराव्यात, अशी मागणी ठाकरे यांनी केली. शेतकऱ्यांच्या कर्जवसुलीच्या नोटिसा थांबवाव्यात, तसेच महाविद्यालयीन विद्यार्थ्यांची परीक्षा फी पूर्णपणे माफ करावी, असे ते म्हणाले.दुष्काळी परिस्थितीत सरकारकडून कोणत्या उपाययोजना करण्यात येणार आहेत, याची स्पष्ट माहिती मुख्यमंत्री देवेंद्र फडणवीस यांनी पत्रकार परिषद घेऊन जनतेसमोर जाहीर करावी, अशी मागणीही त्यांनी केली.

अतिवृष्टीमुळे नुकसान झालेल्या शेतकऱ्यांसाठी सरकारने मदत जाहीर केली होती. मात्र, ही मदत अद्याप शेतकऱ्यांपर्यंत पोहोचली नसल्याचा दावा आदित्य ठाकरे यांनी केला.“मुख्यमंत्र्यांनी मदतीच्या घोषणा केल्या आहेत; मात्र आजपासून प्रत्यक्षात शेतकऱ्यांच्या हातात काय पोहोचणार, हे महत्त्वाचे आहे,” असे ठाकरे म्हणाले. दुष्काळ जाहीर झाल्यानंतर मदत आणि उपाययोजनांच्या अंमलबजावणीला विलंब न करता ती थेट शेतकऱ्यांपर्यंत पोहोचवावी, अशी मागणी त्यांनी यावेळी केली.