Uddhav Thackeray : राजकारणात भूकंप? उद्धव ठाकरेंच्या आमदारांबाबत मंत्र्यांचा धक्कादायक दावा
Uday Samant On Uddhav Thackeray : पुन्हा एकदा आमदारांच्या पक्षांतराचे पर्व सुरू होऊ शकते. एकनाथ शिंदे यांच्या पक्षाचे नेते आणि मंत्री उदय सामंत यांनी याबाबत धक्कादायक दावा केला आहे.
मुंबई :- राजकारणात आमदारांच्या पक्षांतरावरून पुन्हा एकदा विषय गाजू लागला आहे. शिवसेना नेते आणि मंत्री उदय सामंत Uday Samant यांनी दावा केला आहे की शिवसेनेचे अनेक (ठाकरे) आमदार उपमुख्यमंत्री एकनाथ शिंदे Eknath Shinde यांच्या संपर्कात आहेत आणि लवकरच ते पक्षात प्रवेश करतील.
अजित पवार यांच्याबाबत त्यांना विचारण्यात आले की, त्यांचा पक्ष शरद पवार यांच्या पक्षाच्या खासदारांच्या संपर्कात आहे. शिंदे गटाचे नेते सामंत म्हणाले की, राष्ट्रवादीचे (एसपी) खासदार राष्ट्रवादीत सामील होतात की नाही हे मला माहीत नाही.पण मी आधीही म्हटलं होतं… विधानसभा निवडणुकीच्या निकालानंतर शिवसेनेचे (ठाकरे) अनेक आमदार एकनाथ शिंदे यांच्या संपर्कात आहेत. शिवसेनेचे (ठाकरे) आमदार शिवसेनेत असतील हे लवकरच तुम्हाला दिसेल. याबाबतचा अंतिम निर्णय एकनाथ शिंदे घेतील.
अजित पवार यांच्या राष्ट्रवादी काँग्रेसमध्ये महाविकास आघाडीचा कोणताही नेता आल्यास शिवसेना त्याचे स्वागत करेल, असेही सामंत म्हणाले.
