Maharashtra Politics : गंगा आणि गोदावरी नद्यांच्या स्वच्छतेवर राज ठाकरेंनी उपस्थित केले प्रश्न, भाजप म्हणाले- ‘त्यांनी…’
BJP Member On Raj Thackeray : मनसे अध्यक्ष राज ठाकरे म्हणाले की, गंगा नदीच्या स्थितीबाबत मी सोशल मीडियावर अनेक व्हिडिओ पाहिले आहेत. काही लोक अंग खाजवून नदीत आंघोळ करतानाही मी पाहिले.
मुंबई :- महाराष्ट्र नवनिर्माण सेनेचे (मनसे) अध्यक्ष राज ठाकरे यांनी शनिवारी गंगा नदीच्या Raj Thackeray On Ganga River Statement स्वच्छतेवर प्रश्न उपस्थित करत देशातील कोणतीही नदी स्वच्छ नसल्याचा आरोप केला. मनसेच्या स्थापनेला 19 वर्षे पूर्ण झाल्यानिमित्त आयोजित कार्यक्रमात राज ठाकरे यांनी हे भाष्य केले.मनसे प्रमुख म्हणाले की, त्यांच्या पक्षाचे नेते बाळा नांदगावकर यांनी महाकुंभातून पवित्र पाणी आणले होते, परंतु त्यांनी ते पिण्यास नकार दिला.
राज ठाकरे म्हणाले की, गंगा नदीच्या स्थितीबाबत मी सोशल मीडियावर अनेक व्हिडिओ पाहिले आहेत. काही लोक अंग खाजवून नदीत आंघोळ करतानाही मी पाहिले. कोणतीही नदी स्वच्छ नसल्याचा दावा त्यांनी केला.ठाकरे म्हणाले, “राजीव गांधी पंतप्रधान झाल्यापासून गंगा लवकरच स्वच्छ होईल, असे दावे मी ऐकत आलो आहे. आता या समजातून बाहेर पडण्याची वेळ आली आहे.” गोदावरी नदीत लाखो लोकांनी पवित्र स्नान केले तर त्याचे पाणी कोणी पिणार का?, असा सवालही राज ठाकरे यांनी केला.
मंत्री आणि भारतीय जनता पक्षाचे नेते गिरीश महाजन Girish Mahajan यांनी मनसेच्या नेत्यावर प्रत्युत्तर देताना ठाकरे म्हणाले की, ठाकरे यांना त्यांचे मत व्यक्त करण्याचा अधिकार आहे, परंतु ते नदीत डुंबू इच्छिणाऱ्या लाखो लोकांच्या इच्छेकडे दुर्लक्ष करू शकत नाहीत.
