Pradeep Sharma : मुंबईच्या अंडरवर्ल्डला थरकाप! ‘एन्काऊंटर स्पेशलिस्ट’ प्रदीप शर्मांच्या जीवनावर बनतोय सिनेमा – राज ठाकरेंशी ‘सीक्रेट’ भेट
Pradeep Sharma Meet Raj Thackeray : अब तक 112′; ‘टाईम’ मॅगझिनच्या मुखपृष्ठावरील हिरोची ‘अनटोल्ड स्टोरी’ दिग्दर्शक अभिजीत पानसे करणार उघड
मुंबई :- एकेकाळी मुंबईतील गुन्हेगारी विश्वाला आपल्या धडाकेबाज कामगिरीने गुडघे टेकायला लावणारे ‘एन्काऊंटर स्पेशलिस्ट’ प्रदीप शर्मा पुन्हा एकदा झगमगाटात आले आहेत! त्यांच्या वादळी आयुष्यावर आधारित ‘अब तक 112’ या चित्रपटाची घोषणा झाली आहे. चित्रपटाच्या निमित्ताने, प्रदीप शर्मा Pradeep Sharma यांनी दिग्दर्शक अभिजीत पानसे यांच्यासह आज महाराष्ट्र नवनिर्माण सेनेचे (मनसे) अध्यक्ष राज ठाकरे Raj Thackeray यांची खास भेट घेऊन सर्वांच्या भुवया उंचावल्या आहेत.
राज ठाकरेंच्या भेटीमागचे ‘गुपित’
पानसे यांनी यापूर्वी प्रदीप शर्मांच्या आयुष्यावर आधारित ‘रेगे’ या यशस्वी चित्रपटाचे दिग्दर्शन केले होते. आता, ‘अब तक 112’ या चित्रपटासाठी ते शर्मांच्या आयुष्याची अशी बाजू पडद्यावर आणत आहेत, जी आजवर कोणालाही माहित नाही.
राज यांचा सल्ला: भेटीनंतर प्रदीप शर्मा म्हणाले, “राज साहेबांनी सांगितले की, माझी जी अनटोल्ड स्टोरी आहे, पडद्यामागील संघर्ष आहे, तो लोकांपर्यंत पोहोचायला हवा.” कला आणि मराठी सिनेमांबद्दल खास आस्था असलेल्या राज ठाकरे यांचा आशीर्वाद घेण्यासाठी ही भेट महत्त्वाची होती, असे पानसे यांनी स्पष्ट केले.
चित्रपटाचे मोठे आव्हान: पानसे यांनी सांगितले की, शर्मांची फक्त धडाकेबाज, ग्लॅमरस प्रतिमा समोर आली आहे, पण एका पोलीस अधिकाऱ्याच्या आयुष्यातील मानसिक दडपण, वैयक्तिक अडचणी आणि चुकीच्या निर्णयामागचा संघर्ष कधीच दिसला नाही. हा चित्रपट फक्त अॅक्शन नसून, पोलिसी आयुष्याचा वास्तववादी आरसा असेल.
‘112’ एन्काऊंटरचा थरार आणि संघर्ष
उत्तर प्रदेशातील आग्रा जिल्ह्याचे मूळ रहिवासी असलेले प्रदीप शर्मा हे लहानपणी शिक्षकाचा मुलगा म्हणून धुळ्यात स्थायिक झाले. एमपीएससी परीक्षेत यश मिळवून त्यांनी पोलीस दलात प्रवेश केला.
मुंबईतील दहशत: मुंबईतील गुन्हेगारी संपवण्यासाठी ज्या मोजक्या अधिकाऱ्यांनी महत्त्वाची भूमिका बजावली, त्यात प्रदीप शर्मांचे नाव अग्रक्रमाने घेतले जाते. त्यांच्या नावावर 112 एन्काऊंटरच्या यशस्वी मोहिमांची नोंद आहे. त्यांच्या याच धाडसी कार्यामुळे आंतरराष्ट्रीय स्तरावर दखल घेतली गेली आणि टाईम मॅगझिनच्या मुखपृष्ठावर त्यांचा फोटो झळकला होता.
‘अब तक 112’ या चित्रपटाच्या घोषणेने प्रेक्षकांची उत्सुकता शिगेला पोहोचली आहे. ॲक्शन, संघर्ष आणि सत्य यांचा त्रिवेणी संगम असलेला हा चित्रपट box office वर नवीन इतिहास रचणार, यात शंका नाही!
