Mumbai Accident News : मुंबईत भीषण अपघात, बेस्ट बसने दोघांना चिरडले; एका तरुणाचा मृत्यू!
Mumbai Jogeshwari Vikhroli Link Road Accident News : जोगेश्वरी-विक्रोळी लिंक रोडवर घटना, लालबागच्या राजाचे दर्शन घेऊन परतताना काळाचा घाला
मुंबई :- मुंबईतील जोगेश्वरी-विक्रोळी लिंक रोडवर Mumbai Jogeshwari Vikhroli Link Road Accident आज सकाळी एक भीषण अपघात घडला. पवई आयआयटीजवळ बेस्ट बसने दोन तरुणांना चिरडल्याची दुर्दैवी घटना समोर आली आहे. या अपघातात एका तरुणाचा जागीच मृत्यू झाला असून, दुसरा गंभीर जखमी आहे.
मृत तरुणाचे नाव देवांश पटेल (वय 22, रा. जोगेश्वरी) असून, जखमी झालेला त्याचा मित्र स्वप्नील विश्वकर्मा (वय 22) आहे. स्वप्नील याला तातडीने जवळच्या रुग्णालयात दाखल करण्यात आले असून, त्याच्यावर उपचार सुरू आहेत. हे दोन्ही तरुण लालबागच्या राजाचे दर्शन घेऊन परत येत असताना हा अपघात घडल्याची माहिती समोर आली आहे.
अपघाताची माहिती मिळताच पोलीस तात्काळ घटनास्थळी दाखल झाले. त्यांनी घटनास्थळाचा पंचनामा सुरू केला असून, सीसीटीव्ही फुटेजच्या आधारे अपघाताची नेमकी कारणे शोधण्याचा प्रयत्न करत आहेत. या घटनेमुळे परिसरात काही काळ वाहतूक कोंडी झाली होती, पण पोलिसांनी ती लवकरच सुरळीत केली.
